Аркадзь Станіслававіч Аркадзьеў

Аркадзь Станіслававіч Аркадзьеў
Дата нараджэння	13 лістапада 1897(1897-11-13)
Месца нараджэння	Жарабілавічы, Навамышская воласць[d], Навагрудскі павет, Мінская губерня, Расійская імперыя
Дата смерці	27 лютага 1969(1969-02-27) (71 год)
Грамадзянства	СССР
Прафесія	акцёр , рэжысёр
Тэатр	Беларуская дзяржаўная філармонія Белдзяржэстрада[d] Беларускі дзяржаўны тэатр лялек Бабруйскі вандроўны беларускі драматычны тэатр Магілёўскі абласны тэатр драмы і камедыі імя Вінцэнта Дуніна-Марцінкевіча
Узнагароды

Аркадзь Станіслававіч Аркадзьеў (сапр. Цівунчык; 13 лістапада 1897, в. Журбілавічы, Навагрудскі павет, цяпер Навагрудскі раён — 27 лютага 1969) — беларускі савецкі акцёр і рэжысёр. Заслужаны артыст БССР (1961).

Біяграфія

У 1921 годзе скончыў тэатральную студыю ў Омску. Працаваў у тэатрах Омска, Магілёва, Куйбышава і інш. З 1944 года дырэктар Белдзяржфілармоніі, мастацкі кіраўнік Белдзяржэстрады, у 1951—1955 гадах мастацкі кіраўнік Дзяржаўнага тэатра лялек БССР. У 1956—1962 гадах заснавальнік і галоўны рэжысёр Бабруйскага вандроўнага беларускага драматычнага тэатра. У 1962—1966 гадах рэжысёр Бабруйскага музычна-драматычнага тэатра і Магілёўскага абласнога тэатра музычнай камедыі. З 1967 года рэжысёр-педагог пастаянна дзеючых Рэспубліканскіх курсаў пры Міністэрстве культуры БССР.

Творчасць

Найбольш значныя пастаноўкі: «Раскіданае гняздо» Я. Купалы (1957, выканаў таксама ролю Лявона Зябліка), «Князь Мсціслаў Заліхвацкі» І. Прута і «Вясёлка» М. Заруднага (1958), «Шельменко-денщик» Г. Квітка-Аснаўяненкі (1959), «Апошні прыпынак» Э.М. Рэмарка (1961), «Вяселле ў Малінаўцы» Б. Аляксандрава (1962). Паставіў п’есы беларускіх драматургаў: «Чалавек вярнуўся» (1959) і «Любовь, Надежда, Вера» (1960) П. Васілеўскага, «Апошні крок» В. Зуба (1962) і іншыя.