Артур Міхальскі

Артур Міхальскі
польск.: Artur Antoni Michalski
пасол Рэспублікі Польшча ў Беларусі[d] 5 мая 2018 — 31 жніўня 2023
Нараджэнне	5 мая 1962(1962-05-05) (61 год) Варшава, Варшаўскае ваяводства, Польская Народная Рэспубліка
Адукацыя	Універсітэт кардынала Стэфана Вышынскага ў Варшаве
Дзейнасць	дыпламат, журналіст
Месца працы	Tygodnik Ład[d] Міністэрства замежных спраў Польшчы[d]
Медыяфайлы на Вікісховішчы

Артур Антоні Міхальскі (польск.: Artur Antoni Michalski; нар. 5 мая 1962, Варшава) — польскі дыпламат, пасол Польшчы у Малдове (2012—2017) і ў Беларусі (2018—2023).

Біяграфія

Выпускнік Акадэміі каталіцкай тэалогіі ў Варшаве.

У 1991—1996 гадах працаваў у Пасольстве Польшчы ў Расійскай Федэрацыі. У 1996—1997 гг. кіраваў аддзелам даследаванняў Расіі Цэнтра усходніх даследаванняў. У 1997—2000 гадах працаваў у Дэпартаменце Усходняй Еўропы Міністэрства замежных спраў Рэспублікі Польшча. У 2000—2004 гадах быў саветнікам Пасольства Польшчы ў ЗША. З 2004 па 2006 гадах працаваў у Дэпартаменце Амерыкі МЗС Польшчы. У 2006—2010 гадах працаваў у Пасольстве Польшчы ў Канадзе, дзе, між іншым, выконваў абавязкі кіраўніка. Пасля вяртання быў намеснікам дырэктара, а пазней — дырэктарам Усходняга дэпартамента МЗС Польшчы. З 2012 па 2017 гады быў паслом Польшчы ў Рэспубліцы Малдова. Са жніўня 2017 года — дырэктар Усходняга дэпартамента МЗС Польшчы. 15 мая 2018 года Прэзідэнт Рэспублікі Польшча прызначыў Артура Міхальскага Надзвычайным і Паўнамоцным Паслом Рэспублікі Польшча ў Рэспубліцы Беларусь.

Валодае англійскай і рускай мовамі. Жанаты, мае траіх дзяцей.

Творы

• Artur Michalski, Raj na Ziemi kontra obóz koncentracyjny, Toruń: Wydawnictwo Adam Marszałek, 2018.
• Artur Michalski, Na gruzach totalitaryzmu: rozmowy o odradzaniu się chrześcijaństwa w Rosji, Warszawa: Ośrodek Dokumentacji i Studiów Społecznych, 1991.