Ірына Паладзеўна Ползік

Ірына Паладзеўна Ползік
Дата нараджэння	14 красавіка 1961(1961-04-14)
Месца нараджэння	Мінск, БССР, СССР
Дата смерці	9 красавіка 2012(2012-04-09) (50 гадоў)
Месца пахавання	Міханавіцкія могілкі
Дзеці	Францішак Валянцінавіч Вячорка
Род дзейнасці	грамадская дзяячка, педагог
Альма-матар	механіка-матэматычны факультэт БДУ
Член у	Беларуская спеўна-драматычная майстроўня Таварыства беларускай мовы імя Францішка Скарыны Талака ЗБС Бацькаўшчына Беларускі народны фронт «Адраджэнне»

Арына Вячорка, Арына Вележ, Ірына Паладзеўна Поўзік (14 красавіка 1961, Мінск, Беларусь — 9 красавіка 2012) — беларускі грамадскі дзеяч, навуковец, педагог.

Сям’я

Нарадзілася 14 красавіка 1961 года ў Мінску. Бацька Арыны — навуковец-вынаходнік, энергетык, прафесар тэхнічных навук, а маці — выкладчык-эканаміст.

Памерла 9 красавіка 2012 года. Пахавана на Міханавіцкіх могілках.

Адукацыя

• 1983 — скончыла Беларускі дзяржаўны ўніверсітэт імя У. І. Леніна, механіка-матэматычны факультэт, спецыяльнасць «Матэматык».
• 1990 — скончыла аспірантуру пры БДУ па спецыяльнасці «Гісторыя педагогікі».
• 1975 — скончыла музычную школу № 4 горада Мінска па спецыяльнасці фартэпіяна.
• 2009 — скончыла WSUS (Wyzszа Szkolа Umiejetnosci Spolecznych), Polska. Атрымала спецыяльнасць «Менеджар культуры».

Праца і навука

• 1990—1996 — навуковы супрацоўнік лабараторыі філасофіі і гісторыі адукацыі Беларускага Нацыянальнага інстытута адукацыі. Аўтар артыкулаў па гісторыі беларускай педагогікі, гісторыі тэхнікі на Беларусі, укладальнік 2-х томнай Бібліяграфіі па гісторыі беларускай педагогікі.

Аўтар артыкулаў у «Энцыклапедыю гісторыі Беларусі», у кнігу «Гісторыя беларускай навукі і тэхнікі», шэрагу артыкулаў па гісторыі беларускай матэматыкі. Удзельнік навуковых канферэнцый Украіны, Расіі і Польшчы.

• 1996—2007 — кіраўнік Беларускага рыцарскага клуба.
• 2007—2009 — прадзюсар ТАА «Новая музыкальная кампанія».

Грамадская дзейнасць

Удзельнічала ў маладзёжным грамадскім аб’яднанні «Беларуская Майстроўня» (1979—1984). У 1985—1991 гадах — удзельнік маладзежнага гісторыка-культурнага аб’яднання «Талака».

• 1992 — адзін з арганізатараў дзіцячага летніку «Грунвальд».
• 1993 — адзін з заснавальнікаў рыцарскага руху на Беларусі.
• 1995—2008 — арганізатар першага рыцарскага турніру ў Лошыцкім парку, моладзевага этнагістарычнага фестывалю ў Лошыцкім парку — «Лошыцкі фэст».

Прадзюсар рыцарскага руху на Беларусі: адзін з арганізатараў рыцарскіх выездаў у Польшчу на рыцарскі турнір у Голуб-Добжынь (1995); у Літву — Каўнас—1996 на інсцэніроўку Грунвальдскай бітвы, у Чэхію (Млазавіцы, 1997), арганізатар першай паездкі дэлегацыі Рыцарскіх клубаў на Грунвальдскую бітву (Ольштын, 1998), арганізатар святкавання ўгодкаў Грунвальдскай бітвы у Мінску (з 1996 па 1999 гады)

• 2001—2007 — кіраўнік аднаго з найстарэйшых у Беларусі рыцарскіх клубаў «Вялікае княства».
• 2000—2001 — стваральнік і аўтар першага праекту гістарычнай музыкі «Легенды Bялікага Kняства», які ўвайшоў у дзесятку найпапулярных беларускіх музычных альбомаў.
• 2002 — арганізатар болей 20 канцэртаў старадаўняй і фальклорнай музыкі «Легенды Вялікага Княства».
• 2001—2006 — прадзюсар гурта «Стары Ольса», прадзюсар музычнага праекту «Вір», кансультант музычнага праекту «Гістарычны эпас».
• 2006 — кансультант фільма «Старадаўнія музычныя інструменты Беларусі».

У 2003 годзе на конкурсе «Рок-каранацыя—2003» намінавалася на «Прадзюсар года». 2008 годзе — удзельнік журы «Рок-каранацыя—2007».

• 2002—2005 — арганізатар больш за 20 канцэртаў старадаўняй беларускай музыкі «Легенды вялікага княства».
• 2005 — аўтар і стваральнік альбома гістарычнай музыкі «Старажытная зямля», у якім удзельнічалі 10 гуртоў і 6 выканаўцаў.
• 2005 — адзін з арганізатараў I Нацыянальнага Конкурсу маладых выканаўцаў старадаўняй музыкі «У гонар каралевы Боны» (Мінск, МТЭ).
• 2006 — адзін з арганізатараў II Нацыянальнага Конкурсу маладых выканаўцаў старадаўняй музыкі «У гонар каралевы Боны» (Навагрудак).

Стваральнік серыі музыкальных дыскаў «Беларуская музычная калекцыя»: 2007 год — «Постфольк», «Музыка Вялікага Княства Літоўскага», «Беларускі музычны авангард», 2008 год — «Спевы Беларусі» — зборнік аўтэнтычнай беларускай музыкі, «Медываль» — зборнік сярэднявечнай музыкі, «Вясковая лірыка» (жорсткія рамансы), 2009 год — «Музыка беларускіх храмаў».

• 2008 — адзін з заснавальнікаў Беларускага клуба лютністаў.
• 2009 — арганізатар канцэртаў «Старадаўняя музыка Беларусі і Еўропы».

Праекты: Рыцарскі турнір у Лошыцкім парку, 1996 год, семінар «Рыцарства ў мінулым, сучаснасці і будучыні», 1998 год, культурныя акцыі ў падтрымку мабілізацыйнай кампаніі, 2001 год, Легенды Вялікага Княства, 2004 год.

Член «Таварыства беларускай мовы», член «Згуртавання беларусаў свету „Бацькаўшчына“», член ГА «БНФ „Адраджэнне“».

Літаратура

• Дубавец С. Майстроўня. Гісторыя аднаго цуду / Сяргей Дубавец; фота А. Канцавога. — [Б. м.] : Радыё Свабодная Эўропа / Радыё Свабода, 2012. — 457 с.