Атыс Кронвалдс

Атыс Кронвалдс
лат.: Atis Kronvalds
Дата нараджэння	15 красавіка 1837(1837-04-15)
Месца нараджэння	Бунка[d], Латвія
Дата смерці	17 лютага 1875(1875-02-17) (37 гадоў)
Месца смерці	Вэцпіебалга, Вэцпіебалгская воласць[d], Вендэнскі павет[d], Ліфляндская губерня, Расійская імперыя
Грамадзянства	Расійская імперыя
Род дзейнасці	мовазнавец, пісьменнік
Альма-матар	Тартускі ўніверсітэт

А́тыс Кро́нвалдс (лат.: Atis Kronvalds, у нямецкім напісанні Атон-Хрысціян Кронвальд; 15 красавіка 1837 — 17 лютага 1875) — латышскі мовазнавец, педагог і публіцыст.

Біяграфія

Быў настаўнікам у Дэрпцкай настаўніцкай семінарыі. Яго нацыяналістычныя погляды паўней за ўсё былі выкладзены ў нямецкай брашуры: «Nationale Bestrebungen» (1872), у якой ён змагаўся з меркаваннем балтыйскіх немцаў, што адукаваны латыш павінен стаць немцам або рускім. Кронвалдс жадаў, каб кожная народнасць захоўвала сваё ўласнае аблічча. Каштоўныя яго спробы распрацоўкі латышскай і літоўскіх моў і лексічныя матэрыялы, паведамленыя ім біскупу Ульману для «Lettisches Worterbuch» (Рыга, 1872). Многія з новаўтвораных ім латышскіх і літоўскіх слоў выкарыстоўваліся і пазней.

Літаратура

• Кронвалдс Аціс // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8). — С. 476.