Аляксандр Ігаравіч Мінёнак
Аляксандр Ігаравіч Мінёнак | |
---|---|
укр.: Александер Мінюнок | |
![]() | |
Асноўная інфармацыя | |
Дата нараджэння | 25 чэрвеня 2003 (21 год) |
Месца нараджэння | |
Краіна | |
Музычная дзейнасць | |
Прафесіі | спявак, танцор, акцёр, мадэль |
Інструменты | вакал[d] |
Жанры | поп-музыка |
![]() |
Аляксандр Ігаравіч Мінёнак (нар. 25 чэрвеня 2003, Віцебск) — беларускі спявак, удзельнік «Дзіцячай Новай Хвалі 2015»[1], студэнт Акадэміі папулярнай музыкі Ігара Крутога[2], прадстаўнік Беларусі на конкурсе «Дзіцячае Еўрабачанне 2016»[3], лаўрэат рэспубліканскага радыёконкурсу «Маладыя таленты Беларусі»[4], суперфіналіст чацвёртага сезона ўкраінскага конкурсу «Голас. Дзеці»[5][6].
Біяграфія
[правіць | правіць зыходнік]Аляксандр Мінёнак нарадзіўся 25 чэрвеня 2003 года ў Віцебску. Бацька — Ігар Уладзіміравіч Мінёнак, маці — Алена Генрыхаўна Мінёнак. З ранняга дзяцінства Саша рос за кулісамі фестывалю «Славянскі базар», дзе працавала ў якасці адміністратара маці будучага спявака. Калі хлопчыку было тры гады, на яго артыстызм і харызму звярнула ўвагу педагог Аліна Панкіна, музычны кіраўнік дзіцячага сада № 98 г. Віцебска, дзе Саша выканаў свае першыя ролі і песні.
З чатырох гадоў Саша займаўся вакалам, акцёрскім майстэрствам і харэаграфіяй у творчай студыі «Гулливер и лилипуты» пад кіраўніцтвам педагога А. Капскай.
У шэсць гадоў Саша прайшоў кастынг у заслужаны аматарскі калектыў Рэспублікі Беларусь харэаграфічны ансамбль «Зорька». У сем гадоў стаў салістам шоў-гурта «Какао» пры студыі «Гулливер и лилипуты», у складзе якога ён зрабіў першыя крокі на сцэне фестывалю «Славянскі базар»[7]. У гэты ж час Саша паступіў на педагагічную практыку пры Віцебскім дзяржаўным музычным каледжы імя І. І. Салерцінскага па класе акардэона. У восем гадоў ён распачаў сольную кар’еру пад кіраўніцтвам С. Астапенкі і А. Літоўкі[8]. Дзякуючы працы гэтых педагогаў у перыяд з 2011 па 2015 год Саша стаў лаўрэатам 25 гарадскіх, рэспубліканскіх і міжнародных конкурсаў, у тым ліку і паўфіналістам Дзіцячай Новай Хвалі 2013.
![](http://upload.wikimedia.org/wikipedia/commons/thumb/0/00/%D0%A1%D0%B0%D1%88%D0%B0_%D0%9C%D0%B8%D0%BD%D1%91%D0%BD%D0%BE%D0%BA_%D0%94%D0%B5%D1%82%D1%81%D0%BA%D0%B0%D1%8F_%D0%9D%D0%BE%D0%B2%D0%B0%D1%8F_%D0%92%D0%BE%D0%BB%D0%BD%D0%B0.jpg/220px-%D0%A1%D0%B0%D1%88%D0%B0_%D0%9C%D0%B8%D0%BD%D1%91%D0%BD%D0%BE%D0%BA_%D0%94%D0%B5%D1%82%D1%81%D0%BA%D0%B0%D1%8F_%D0%9D%D0%BE%D0%B2%D0%B0%D1%8F_%D0%92%D0%BE%D0%BB%D0%BD%D0%B0.jpg)
З 2012 па 2016 год Саша з’яўляўся артыстам шоў-балета «Сенсацыя» пад кіраўніцтвам Р. Рыкава, дзе займаўся харэаграфіяй і акцёрскім майстэрствам, а таксама выступаў на шматлікіх канцэртах і фестывалях. Пазней артысты шоў-балета «Сенсацыя» прымалі ўдзел у якасці танцораў у нумары Сашы для «Дзіцячага Еўрабачання 2016» на Мальце.
У 2015 годзе Саша прайшоў у фінал конкурсу «Дзіцячая Новая Хваля»[9]. На конкурсе, які праходзіў у Артэку з 28 па 30 жніўня, у першы дзень ён выканаў песню «Лимбо» (за якую атрымаў ад журы 93 балы з 99 магчымых), у другі дзень — «Мальчик-бродяга» (зарабіў 95 балаў з 99). Па выніках двух конкурсных дзён Саша заняў шостае месца, раздзяліўшы яго з украінскім трыа «Smile».
Пасля паспяховага выступлення на «Дзіцячай Новай Хвалі» Акадэмія папулярнай музыкі Ігара Крутога пачала запрашаць Сашу ў свае праекты[10], у якіх выканаўца узяў удзел: «Калядная песенька года»[11], «Новая Хваля», «Дзіцячая песня года», юбілейныя туры Ігара Крутога[12]. Саша выходзіў на сцэны Казані, Санкт-Пецярбурга, Масквы, Дзюсельдорфа разам з такімі артыстамі, як Ані Лорак, Леў Лешчанка, Лара Фабіян, Міця Фамін і інш. Разам з іншымі лаўрэатамі Дзіцячай Новай Хвалі і Ігарам Крутым ён зняўся ў кліпе Міці Фаміна «Новы дзень».
З верасня 2015 года пасля пераезду ў Мінск Саша пачаў займацца ў заслужаным аматарскім калектыве Рэспублікі Беларусь тэатры эстраднай песні «Сябрынка» Палаца культуры «МАЗ» пад кіраўніцтвам Т. Трухан. У снежні 2015 года ён стаў лаўрэатам рэспубліканскага радыёконкурсу «Маладыя таленты Беларусі» і стыпендыятам Спецыяльнага фонду Прэзідэнта Рэспублікі Беларусь па падтрымцы таленавітай моладзі[13]. У гэтым жа годзе Саша стаў удзельнікам дабрачыннага канцэрта «Здзяйсняй мары», што прайшоў 16 снежня ў Маскве ў канцэртнай зале «Космас».
У 2016 годзе Саша выступіў у ролі вядучага тэлепраекта «Дзіцячая песня года» на канале «Карусель»"[14], а таксама выканаў там сваю аўтарскую песню «Ангел мой». Кліп, зняты на гэтую песню, удзельнічаў у перадачы "«Гарачая дзясятачка» канала «Карусель»[15]. 3 сакавіка ён стаў адным з удзельнікаў канцэрта «Девичник Teens», які адбыўся ў канцэртнай зале «Известия Hall»[16]. Саша выступіў на адной сцэне з лепшымі ўдзельнікамі праектаў «Дзіцячая Новая Хваля», «Дзіцячае Еўрабачанне», «Голас. Дзеці» і гасцямі канцэрта: гуртам MBAND, Уладам Сакалоўскім, Міцем Фаміным, Стасам Касцюшкіным і іншымі артыстамі[17].
На творчым рахунку Сашы здымкі ў некалькіх рэкламных роліках: рэкламе смартфона Huawei GR3 ад МТС[18], Брэсцкага мясакамбіната[19], а таксама гульні World of Tanks[20][21]. У жніўні 2016 года стаў фіналістам беларускага нацыянальнага адбору конкурсу «Дзіцячае Еўрабачанне 2016» з песняй «Музіка моих побед» («Музыка маіх перамог»), напісанай К. Ермаковым і Р. Калодкам. З гэтай кампазіцыяй Саша прадставіў Беларусь у лістападзе 2016 года ў фінале конкурсу на Мальце, дзе заняў сёмае месца[22][23].
У канцы жніўня 2016 года прайшлі здымкі тэлесерыяла «Мухтар. Новы след», у якім Саша выканаў адну з роляў[24].
У снежні адбылася прэзентацыя песні «Взлёт», напісанай Сашам і С. Старавойтавым[25].
У музычных спектаклях на галоўнай елцы краіны «Як прыручыць дракона, ці Крыштальная мелодыя», якія праходзілі ў Мінску з 20 снежня 2016 года па 6 студзеня 2017, спявак выканаў галоўную ролю музыкі Янкі[26].
У верасні 2016 года прадзюсары гурта Open Kids аб’явілі пра пачатак кастынгу у новы бойбэнд. Саша паспяхова прайшоў некалькі этапаў адбору і стаў адным з пяці ўдзельнікаў гурта NEBO5[27], які дэбютаваў 25 лютага з песняй «Поколение Танцы», выкананай разам з Open Kids[28].
![](http://upload.wikimedia.org/wikipedia/commons/thumb/1/1e/%D0%A4%D0%B8%D0%BD%D0%B0%D0%BB_%D0%93%D0%BE%D0%BB%D0%BE%D1%81._%D0%94i%D1%82%D0%B8_4._%D0%AE%D1%80%D0%B8%D0%B9_%D0%93%D0%BE%D1%80%D0%B1%D1%83%D0%BD%D0%BE%D0%B2%2C_%D0%A1%D0%B0%D1%88%D0%B0_%D0%9C%D0%B8%D0%BD%D1%91%D0%BD%D0%BE%D0%BA_%D0%B8_%D0%95%D0%BA%D0%B0%D1%82%D0%B5%D1%80%D0%B8%D0%BD%D0%B0_%D0%9E%D1%81%D0%B0%D0%B4%D1%87%D0%B0%D1%8F.jpg/220px-%D0%A4%D0%B8%D0%BD%D0%B0%D0%BB_%D0%93%D0%BE%D0%BB%D0%BE%D1%81._%D0%94i%D1%82%D0%B8_4._%D0%AE%D1%80%D0%B8%D0%B9_%D0%93%D0%BE%D1%80%D0%B1%D1%83%D0%BD%D0%BE%D0%B2%2C_%D0%A1%D0%B0%D1%88%D0%B0_%D0%9C%D0%B8%D0%BD%D1%91%D0%BD%D0%BE%D0%BA_%D0%B8_%D0%95%D0%BA%D0%B0%D1%82%D0%B5%D1%80%D0%B8%D0%BD%D0%B0_%D0%9E%D1%81%D0%B0%D0%B4%D1%87%D0%B0%D1%8F.jpg)
![](http://upload.wikimedia.org/wikipedia/commons/thumb/2/24/%D0%91%D0%B5%D0%BB%D0%BE%D1%80%D1%83%D1%81%D1%81%D0%BA%D0%B8%D0%B9_%D0%BE%D1%82%D0%B1%D0%BE%D1%80_%D0%BD%D0%B0_%D0%94%D0%B5%D1%82%D1%81%D0%BA%D0%BE%D0%B5_%D0%95%D0%B2%D1%80%D0%BE%D0%B2%D0%B8%D0%B4%D0%B5%D0%BD%D0%B8%D0%B5_2018._%D0%A1%D0%B0%D1%88%D0%B0_%D0%9C%D0%B8%D0%BD%D1%91%D0%BD%D0%BE%D0%BA.jpg/220px-%D0%91%D0%B5%D0%BB%D0%BE%D1%80%D1%83%D1%81%D1%81%D0%BA%D0%B8%D0%B9_%D0%BE%D1%82%D0%B1%D0%BE%D1%80_%D0%BD%D0%B0_%D0%94%D0%B5%D1%82%D1%81%D0%BA%D0%BE%D0%B5_%D0%95%D0%B2%D1%80%D0%BE%D0%B2%D0%B8%D0%B4%D0%B5%D0%BD%D0%B8%D0%B5_2018._%D0%A1%D0%B0%D1%88%D0%B0_%D0%9C%D0%B8%D0%BD%D1%91%D0%BD%D0%BE%D0%BA.jpg)
![](http://upload.wikimedia.org/wikipedia/commons/thumb/b/b1/%D0%A1%D0%B0%D1%88%D0%B0_%D0%9C%D0%B8%D0%BD%D1%91%D0%BD%D0%BE%D0%BA_%D0%BD%D0%B0_%D0%BF%D0%B5%D1%80%D0%B2%D0%BE%D0%BC_%D1%81%D0%BE%D0%BB%D1%8C%D0%BD%D0%BE%D0%BC_%D0%BA%D0%BE%D0%BD%D1%86%D0%B5%D1%80%D1%82%D0%B5_%283%29.jpg/220px-%D0%A1%D0%B0%D1%88%D0%B0_%D0%9C%D0%B8%D0%BD%D1%91%D0%BD%D0%BE%D0%BA_%D0%BD%D0%B0_%D0%BF%D0%B5%D1%80%D0%B2%D0%BE%D0%BC_%D1%81%D0%BE%D0%BB%D1%8C%D0%BD%D0%BE%D0%BC_%D0%BA%D0%BE%D0%BD%D1%86%D0%B5%D1%80%D1%82%D0%B5_%283%29.jpg)
У маі 2017 года Саша стаў адным з вядучых цырымоніі ўзнагароджвання пераможцаў ХІІІ нацыянальнага тэлевізійнага конкурсу «Тэлевяршыня», арганізаванага міністэрствам інфармацыі Рэспублікі Беларусь[29].
У 2017 годзе Саша Мінёнак стаў удзельнікам чацвёртага сезона ўкраінскага тэлепраекта «Голас. Дзеці». Яго выступленне паказалі ў другім выпуску сляпых праслухоўванняў, які выйшаў у эфір тэлеканала «1+1» 12 лістапада. Саша выканаў песню Бруна Марса «Grenade», падчас выканання якой да яго павярнуліся Наталля Магілеўская, гурт «Время и стекло» і Манацік. Хлопчык абраў каманду гурта «Время и стекло»[30]. У час вакальных баёў, што выйшлі ў эфір 3 снежня, каманды былі падзелены на чатыры тройкі, у кожнай з якой у наступны этап праходзіў толькі адзін выканаўца. Саша выступіў разам з Ангелінай Шымковай і Веранікай Чорнай і выканаў песню «Ой, у гаю пры Дунаю». Для праходжання ў наступны этап журы абрала Сашу. На этапе накаўтаў 10 снежня ў кожнай з каманд з чатырох удзельнікаў у фінал праходзілі двое. У камандзе «Время и стекло» імі сталі Саша Мінёнак і Яна Горнаяя[31]. У фінале (17 снежня), які, у адрозненне ад папярэдніх выпускаў праграмы, праходзіў у прамым эфір ы, Саша выканаў песню «Ома» Ірыны Білык і па выніках галасавання гледачоў апярэдзіў Яну, выйшаўшы, такім чынам, у суперфінал[5]. У суперфінале Саша выканаў песню «Let’s Get it Started»[32]. Нягледзячы на тое, што ў галасаванні ў яго не атрымалася абысці Данэлію Туляшову, якая стала пераможцам сезона, Саша Мінёнак стаў першым беларусам, якому ўдалося прайсці ў суперфінал праекта.
У лютым 2018 года, калі гурт NEBO5 перастаў быць праектам Open Art Studio, Саша прыпыніў сваю дзейнасць у калектыве. У красавіку ён стаў адным з вядучых фестывалю «Бітва аркестраў. Дзеці»[33]. 6 чэрвеня выйшаў кліп Kain Rivers «Талісман», у здымках якога прынялі ўдзел Саша Мінёнак і Антон Каплун. Таксама ён зняўся ў кліпе «Стыкерам» гурта Open Kids, што выйшаў 27 ліпеня. Пазней, у лютым 2019 года, ён выканаў ролю ў кліпе гурта «Под утро». У ліпені 2018 года выйшаў сольны трэк Сашы «Не всерьез». У гэты ж час спявак стаў госцем VІ Фестывалю беларускай культуры, што адбыўся ў Польшчы[34][35].
На «Міжнародных дзіцячых гульнях на прызы алімпійскіх чэмпіёнаў» (6-8 снежня, Казань), што праходзілі ў межах усерасійскіх спаборніцтваў па плаванні «Кубак Аляксандра Папова», Саша выступіў з сольным канцэртам, а таксама праспяваў на адкрыцці і закрыцці гульняў[36][37]. У снежні ў Віцебску прайшла прэм’ера мюзікла «Снежная каралева. Перазагрузка», у якім Саша выканаў ролю Кая[38].
6 красавіка 2019 года ў эфіры канала «Расія 1» выйшаў трэці выпуск тэлепраекта «Ну-ка, все вместе!», удзельнікам якога стаў Саша Мінёнак, выкананаўшы песню «Халі-галі». Разам з ім гэту песню выканалі 45 членаў журы (са 100)[39]. Пад канец красавіка ў Сашы выйшаў дэбютны ЕР-альбом «В поиске», у які ўвайшлі 7 хіп-хоп кампазіцый.
1 чэрвеня выканаўца стаў удзельнікам 30-га выпуску шоу «Макаёнка, 9» на тэлеканале «Беларусь 1», дзе выканаў адну з песень са свайго дэбютнага альбома[40]. Такcама Саша стаў удзельнікам фестывалю Videozhara, што праходзіў 8 і 9 чэрвеня ў Кіеве[41].
18 кастрычніка ў мінскім клубе «Брюгге» ў Сашы адбыўся першы сольны канцэрт[42].
Дыскаграфія
[правіць | правіць зыходнік]Студыйныя альбомы
[правіць | правіць зыходнік]- 2019 — «В поиске» («У пошуку»)
«В поиске»
[правіць | правіць зыходнік]№ | Назва | Працягласць |
---|---|---|
1. | «Папина дочка» | 2:00 |
2. | «Грязные речи» | 2:37 |
3. | «Теряю» | 2:40 |
4. | «Мало» | 1:45 |
5. | «Выдумал» | 2:46 |
6. | «С тобой» | 2:42 |
7. | «Лабиринтами» | 2:46 |
Сінглы
[правіць | правіць зыходнік]- «Не всерьез» (2018)
- «Мало» (2019)
- «С тобой» (2019)
- «Грязные речи» (2019)
- «В поиске» (2019)
Дасягненні
[правіць | правіць зыходнік]- 2011
- Лаўрэат ІІІ прэміі конкурсу «Вясёлка над Віцебскам» (Віцебск)
- Прыз сімпатый журы на конкурсе «Залатая ліра» (Мінск)
- Лаўрэат І прэміі міжнароднага конкурсу «Супермікрафон Радыё Ярд» (Польшча)
- 2012
- Лаўрэат І прэміі міжнароднага конкурсу «Парад планет» (Цвер, Расія)
- Здымкі ў тэлеперадачы «Песенька ў падарунак» на канале «Радасць мая»
- Лаўрэат І прэміі міжнароднага конкурсу «Ступені майстэрства» (Масква)
- Лаўрэат ІІ прэміі міжнароднага конкурсу «Крымскія хвалі» (Феадосія, Украіна))[43]
- Лаўрэат ІІ прэміі рэспубліканскага конкурсу «Халі-хало» (Наваполацк, Беларусь)
- 2013
- Лаўрэат І прэміі рэспубліканскага конкурсу «Прывітанне, свет» (Мінск)
- Лаўрэат І прэміі рэспубліканскага конкурсу «Новыя імёны Юніёр»
- Лаўрэат ІІІ прэміі рэспубліканскага конкурсу «Маладзічок» (Маладзечна)
- Паўфіналіст Дзіцячай Новай Хвалі 2013 (Масква)
- Лаўрэат І прэміі міжнароднага конкурсу «Залатая пчолка» (Клімавічы, Беларусь)
- Лаўрэат ІІ прэміі рэспубліканскага радыёконкурсу «Маладыя таленты Беларусі», ратацыя на радыё.
- 2015
- Лаўрэат І прэміі міжнароднага конкурсу «Аванці» (Мінск)
- Гран-пры рэспубліканскага конкурсу «Мая мара» (Мінск)
- Лаўрэат ІІІ прэміі рэспубліканскага радыёконкурсу «Маладыя таленты Беларусі», ратацыя на радыё[44]
- Стыпендыят Спецыяльнага фонду Прэзідэнта Рэспублікі Беларусь па падтрымцы таленавітай моладзі
- 2016
- Прадстаўнік Беларусі на конкурсе «Дзіцячае Еўрабачанне 2016» (Мальта)[45]
- Перамога ў кастынгу на ўдзел ў гурце NEBO5
- 2017
- Суперфіналіст чацвёртага сезона ўкраінскага «Голас. Дзеці»[32]
- 2018
- Вядучы «Бітвы аркестраў. Дзеці»
- Прэм’ера сольнай кампазіцыі «Не всерьез»
- Галоўная роля ў мюзікле «Снежная каралева. Перазагрузка»
- 2019
- Удзел у тэлепраекце «Ну-ка, все вместе!»
- Спецыяльны госць нацыянальнага адбору на «Славянскі Базар у Віцебску»[46]
- Выпуск дэбютнага альбома «В поиске»
- Удзел у шоу «Макаёнка, 9» на тэлеканале «Беларусь 1»
Дадаткі
[правіць | правіць зыходнік]- ↑ "Александр Минёнок - newwavejunior.eu"(руск.). Архівавана з арыгінала 7 ліпеня 2019. Праверана 2017-02-07.
- ↑ Академия популярной музыки Игоря Крутого: Саша Минёнок (руск.)(недаступная спасылка). academy-ik.com. Архівавана з першакрыніцы 11 лютага 2017. Праверана 7 лютага 2017.
- ↑ Детское "Евровидение 2016". Александр Миненок 20 ноября выступит под номером 9. (руск.). Белтэлерадыёкампанія. Праверана 7 лютага 2017.
- ↑ "Концерт победителей радиоконкурса "Маладыя таленты Беларусі" покажут в телеэфире "Беларусь 3"". БелТА(руск.). 2016-12-15. Праверана 2017-02-07.
- ↑ а б "Финалист "Голосу. Діти" довел Дорофееву до слез". Обозреватель(руск.). 2017-12-19. Праверана 2017-12-19.
- ↑ "Каким был суперфинал "Голосу.Діти-4": победа Данелии Тулешовой, слезы Monatik и Дорофеевой". TSN.ua(руск.). 2017-12-18. Праверана 2017-12-19.
- ↑ Карина Шлапакова. Саша Миненок о мечтах, увлечениях и конкурсе "Евровидение - 2016" (руск.). GorodVitebsk.by (19 жніўня 2016). Праверана 11 лютага 2017.
- ↑ Крупица, Наталия (2015-05-22). "Витебчанин Саша Миненок представит Беларусь на международном музыкальном конкурсе «Детская Новая волна», который пройдет в «Артеке» с 11 по 13 августа"(руск.). Витьбичи. Архівавана з арыгінала 26 чэрвеня 2018. Праверана 2017-02-11.
- ↑ "Как белорусы покоряли "Детскую Новую волну""(руск.). Sputnik.by. 2015-08-17. Праверана 2017-02-11.
- ↑ Онлайн-конференция с победителем национального отбора Международного детского конкурса песни "Евровидение-2016" Александром Миненком (руск.). Белтелерадиокомпания (29 жніўня 2016).
- ↑ Академия популярной музыки Игоря Крутого. Рождественская Песенка года 2015. Часть 1 (руск.) (5 студзеня 2016). Праверана 7 лютага 2017.
- ↑ "Молодые белорусские исполнители споют с Игорем Крутым в Минске"(руск.). Интерфакс-Запад. 2015-05-07. Архівавана з арыгінала 22 снежня 2017. Праверана 2017-02-12.
- ↑ Распоряжение Президента Республики Беларусь № 93рп от 6 июня 2016 г. «О вопросах специального фонда Президента Республики Беларусь по поддержки талантливой молодежи» (руск.)(недаступная спасылка). Министерство культуры Республики Беларусь (6 чэрвеня 2016). Архівавана з першакрыніцы 15 лютага 2017. Праверана 14 лютага 2017.
- ↑ Академия популярной музыки Игоря Крутого. Детская Песня Года. Эфир от 26.03.2016 (руск.) (28 чэрвеня 2016). Праверана 7 лютага 2017.
- ↑ Горячая Десяточка. Сезон 2 выпуск 8 (руск.). Праверана 11 лютага 2017.
- ↑ kids' music. Саша Минёнок — Грусти нет [Девичник Teens] (руск.) (6 сакавіка 2016). Праверана 7 лютага 2017.
- ↑ «Девичник Teens» начнётся с красной дорожки (руск.). InterMedia (26 лютага 2016). Праверана 12 лютага 2017.
- ↑ МТС Беларусь. Смартфоны к лету в МТС: Huawei GR3 (руск.) (8 ліпеня 2016). Праверана 7 лютага 2017.
- ↑ Denis Baranovsky. Брестский мясокомбинат. Любовь есть! (руск.) (21 ліпеня 2016). Праверана 7 лютага 2017.
- ↑ WGTV WoT - видео о танках для игроков. Реклама World of Tanks. История Анатолия (руск.) (30 жніўня 2016). Праверана 7 лютага 2017.
- ↑ Отто, Эвика. "4500 сообщений за вечер. Поклонницы атакуют участника "Детского Евровидения-2016""(руск.). Комсомольская правда — Беларусь. Праверана 2017-02-14.
{{cite news}}
: no-break space character у|publisher=
на пазіцыі 21 (даведка)(недаступная спасылка) - ↑ "Детское «Евровидение-2016»: победила Грузия, белорус Александр Миненок занял 7 место"(руск.). СТБ. 2016-11-21. Архівавана з арыгінала 24 ліпеня 2019. Праверана 2017-02-11.
- ↑ "На детском «Евровидении» победу одержала представительница Грузии, белорус Саша Миненок на 7-м месте"(руск.). Интерфакс-Запад. 2016-11-20. Архівавана з арыгінала 22 лістапада 2016. Праверана 2017-02-12.
- ↑ "Представитель Беларуси на детском "Евровидении-2016" Саша Миненок дебютировал в кино"(руск.). БелТА. 2016-09-09. Праверана 2017-02-11.
- ↑ SashaMin. САША МИНЁНОК / "ВЗЛЁТ"...!!! (руск.) (13 студзеня 2017). Праверана 7 лютага 2017.
- ↑ Главная елка страны - одна из самых технически оснащенных постановок за всю историю (руск.). Белтелерадиокомпания (27 снежня 2016). Праверана 7 лютага 2017.
- ↑ "Создатели группы «Open Kids» объявили состав нового бойбенда"(руск.). kids'music. 2016-12-20. Праверана 2017-02-10.
- ↑ "Open Kids зажгли с брутальными парнями". Теленеделя(руск.). 2017-10-05. Праверана 2018-08-01.
- ↑ Церемония награждения победителей XIII Национального телевизионного конкурса "Телевершина" (руск.). Телеканал ОНТ.
- ↑ ""ГОЛОС. ДІТИ-4": СУДЬИ СПУТАЛИ 13-ЛЕТНЮЮ УЧАСТНИЦУ С КАРОЛЬ ИЗ-ЗА ПОХОЖЕГО ГОЛОСА". ТСН(руск.). 2017-11-13. Праверана 2018-01-09.
- ↑ "Голос. Дети 4 сезон 6 выпуск: наиболее драматический этап проекта – кто прошел в финал". 24 канал(руск.). 2017-12-10. Праверана 2017-12-21.
- ↑ а б ""Голос.Діти-4": назван победитель проекта". Обозреватель(руск.). 2017-12-18. Праверана 2017-12-21.
- ↑ "Битва оркестров. Дети" состоится в Киеве (руск.). Бульвар Гордона (9 красавіка 2018). Праверана 1 студзеня 2019.
- ↑ "Festiwal kultury białoruskiej". 24starogard.pl(польск.). 2018-07-26. Праверана 2019-04-27.
- ↑ Kapela, Marcin (2018-07-29). "Justin Bieber wystąpił w Lęborku. Show białoruskich artystów zachwyciło publiczność"(польск.). Праверана 2019-04-27.
- ↑ Кубок Александра Попова. Программа дома кубка (руск.)(недаступная спасылка). Архівавана з першакрыніцы 19 студзеня 2019. Праверана 5 ліпеня 2019.
- ↑ "В Казани состоялось закрытие турнира на Кубок Александра Попова". Татар-информ(руск.). 2018-12-08. Архівавана з арыгінала 19 студзеня 2019. Праверана 2019-01-19.
- ↑ Васильева, Светлана (2019-12-28). "На губернаторскую елку в концертный зал «Витебск» приехали около 1000 ребят". Витебский курьер(руск.). Праверана 2019-01-01.
- ↑ «Ну-ка, все вместе!» — вокальное шоу — Ну-ка, все вместе! Эфир от 06.04.2019. Александр Миненок. «Хали-гали» (руск.). Россия 1 (6 красавіка 2019). Праверана 7 красавіка 2019.(недаступная спасылка)
- ↑ "После "Несчастного случая" создатели "Макаенка, 9" уйдут в отпуск". Белтелерадиокомпания(руск.). 2019-05-29. Праверана 2019-06-04.
- ↑ VZH в лицах: Саша Минёнок (руск.). Праверана 5 чэрвеня 2019.
- ↑ Леонович, Юлиана (2019-10-17). "Александр Миненок стал артистом продюсерского центра «СПАМАШ»". СБ. Беларусь сегодня(руск.). Праверана 2019-10-28.
- ↑ Отчет о восьмом международном фестивале «Крымские волны» (руск.)(недаступная спасылка). Архівавана з першакрыніцы 22 мая 2017. Праверана 13 лютага 2017.
- ↑ "Стали известны имена победителей радиоконкурса "Маладыя таленты Беларусі""(руск.). Белтелерадиокомпания. 2015-12-03. Праверана 2017-02-11.
- ↑ Александр Минёнок, представитель Беларуси на детском конкурсе песни "Евровидение 2016" (руск.). Белтелерадиокомпания. Праверана 11 лютага 2017.
- ↑ Пастернак, Татьяна (2019-03-16). "Беларусь на детском музыкальном конкурсе в рамках «Славянского базара»". Витебские вести(руск.). Праверана 2019-04-17.
Спасылкі
[правіць | правіць зыходнік]![]() |
Аляксандр Ігаравіч Мінёнак на Вікісховішчы |
---|