Аляксей Ягоравіч Шмакаў

Аляксей Ягоравіч Шмакаў
Аляксей Ягоравіч Шмакаў
Дата нараджэння	1 чэрвеня 1933
Месца нараджэння	Шмакавы[d], Дараўскі раён[d], Кіраўская вобласць, РСФСР, СССР;
Дата смерці	16 верасня 2021 (88 гадоў)
Месца смерці	Еўпаторыя, Рэспубліка Крым;
Грамадзянства	СССР; Украіна; Расія;
Род дзейнасці	скульптар
Жанр	манументальная скульптура[d] і садова-паркавая скульптура[d]
Вучоба	Беларускі дзяржаўны тэатральна-мастацкі інстытут (1959);
Член у	Саюз мастакоў СССР; Нацыянальны саюз мастакоў Украіны;
Узнагароды	;
	Медыяфайлы на Вікісховішчы

Аляксей Ягоравіч Шмакаў (1 чэрвеня 1933, сяло Шмакава, Кіраўская вобласць — 16 верасня 2021) — беларускі і ўкраінскі скульптар-манументаліст.

Біяграфія

Пасля заканчэння ў 1959 годзе Беларускага тэатральна-мастацкага інстытута быў накіраваны на працу ў Брэст, дзе выканаў шэраг мастацкіх работ у вобласці станковай і манументальнай скульптуры. У гарадскім парку культуры і адпачынку з’явілася скульптурная група «Ленін з дзяцьмі». Устаноўлены помнікі-бюсты пісьменніку Мікалаю Гогалю (1962), Герою Савецкага Саюза А. М. Кіжаватаву (1965) і паэту А. Міцкевічу (1965). Для Музея абароны Брэсцкай крэпасці ён выканаў дыяраму «Бой ля Цярэспальскіх варот» і рэльеф «Няскораныя», бюсты абаронцаў крэпасці. У г. Камянцы Брэсцкай вобласці была ўстаноўлена фігура У. І. Леніна (1960), у г. Пінску — помнік воінам-вызваліцелям і маракам Дняпроўскай ваеннай флатыліі (1962)^[1].

А. Я. Шмакаў у 1964 годзе стаў членам Саюза мастакоў СССР. У 1967 годзе пераехаў у г. Еўпаторыю (Крым), дзе стварыў дзясяткі манументальных твораў^[1], у тым ліку помнікі камунарам Еўпаторыі, Д. Караеву, М. Горкаму, Т. Шаўчэнку, С. Дувану, Ашыку Амеру, еўпатарыйцам, якія загінулі ў гады Грамадзянскай і Вялікай Айчыннай войнаў, маракам-дэсантнікам, творы садова-паркавай скульптуры «Дзеці Радзімы», «Мацярынства», «Хлопчык з гірай», «Хлопчыка на дэльфіне», «Геракл, які адпачывае», «Сям’я на пляжы», «Нараджэнне Керкінітыды»^[2].

Шмат падарожнічаў, працаваў над скульптурамі ў Індыі, Італіі, Іспаніі, Эквадоры, Аўстраліі, ЗША^[1].

Памёр 16 верасня 2021 года^[3].

Галерэя

Помнік еўпатарыйцам, якія загінулі ў гады Грамадзянскай і Вялікай Айчыннай войнаў
Помнік Д. Караеву
Помнік С. Дувану
Помнік Ашыку Амеру
Помнік М. Горкаму

Узнагароды

званне «Ганаровы грамадзянін Еўпаторыі» (2008),
званне «Заслужаны мастак Аўтаномнай Рэспублікі Крым» (2011)^[1].

Зноскі

Спасылкі

Человек из Крыма, который знает цену вождям

[brl-1] а ^б ^в ^г 28 красавіка 2017 г. — 55 гадоў з дня ўстаноўкі помніка Мікалаю Васільевічу Гогалю (1809—1852), рускаму пісьменніку, у г. Брэсце (1962)

[evpatoriya-2] Евпаториийский скульптор Алексей Егорович Шмаков

[3] Ушёл из жизни автор скульптуры «Отдыхающий Геракл» в Евпатории

[1]

[2]

[3]