Балахоўскія могілкі
| Балахоўскія могілкі | |
|---|---|
 | |
| 52°06′02″ пн. ш. 23°38′44″ у. д.HGЯO | |
| Размяшчэнне | |
| Краіна | |
| Вобласць | Брэсцкая вобласць |
| Горад | Брэст |
| Гістарычны раён | Рэчыца |
| Гісторыя | |
| Дата заснавання | 1919 |
| Першае пахаванне | 1919 |
| Апошняе пахаванне | 1920 |
| Пахаванні | |
| Колькасць пахаваных | 365 |
| Колькасць пахаванняў | 329 |
 | |
Балахоўскія могілкі — закрытыя могілкі Брэста, размешчаныя ў раёне Камбінатаўскай вуліцы, побач з гаражным масівам. Знаходзяцца на тэрыторыі былой вёскі Рэчыца.
На могілках у 1920 годзе былі пахаваныя жаўнеры войска генерала Станіслава Булак-Балаховіча, які загінулі ў час Слуцкага збройнага чыну і Палескага паходу. Усяго пахавана на могілках не менш за паўтысячы жаўнераў, прычым большасць з іх — невядомыя. Ад мянушкі жаўнераў «балахоўцы» паходзіць назва могілак[1].
У савецкія часы могілкі былі занядбаныя ды апаганеныя. У канцы 1980-х на месцы могілак улады выдзелілі месца пад гаражы, частка якіх цяпер стаіць на магілах[1].
У 1992 г. замест старых разбураных помнікаў асобным жаўнерам былі ўсталяваныя новыя — амаль усе безыменныя. У 2002 годзе, да 82-х угодкаў Слуцкага збройнага чыну і Палескага паходу, усталяваны дзве мемарыяльныя пліты з надпісамі «Тут спачываюць беларускія жаўнеры войска ген. С.Булак-Балаховіча» і «Яны ішлі паміраць за волю Бацькаўшчыны». 1 снежня 2002 года была ўшанавана памяць жаўнераў, уніяцкі святар асвяціў памятны знак і адслужыў кароткую паніхіду, прагучаў гімн «Магутны Божа»[1].
Зноскі
- ↑ а б в Балахоўскія могілкі на сайце Radzima.org
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх- Балахоўскія могілкі на сайце Radzima.org
