Магутны Божа

З пляцоўкі Вікіпедыя
Jump to navigation Jump to search

«Магу́тны Бо́жа» (аўтарская назва — «Малітва») — верш, напісаны Наталляй Арсенневай у 1943 годзе. У 1947 годзе кампазітар Мікола Равенскі паклаў яго на музыку, пасля чаго «Магутны Божа» для беларускага эмігранцкага руху стаў сапраўдным рэлігійным гімнам. У пачатку 1990-ых гадоў твор прапаноўвалася зрабіць афіцыйным дзяржаўным гімнам Беларусі.[1]

Варыяцыі тэксту[правіць | правіць зыходнік]

Тэкст гімна «Магутны Божа» мае некалькі варыянтаў. Асноўнае і найбольш прынцыповае адрозненнем уяўляюць сабой словы перадапошняга радка: «Зрабі свабоднай...» або «Зрабі магутнай...»[2]. Ніжэй прыведзены два асноўныя варыянты тэксту.

Магутны Божа! Ўладар сусьветаў,
вялізных сонцаў і сэрц малых,
над Беларусяй ціхой і ветлай
рассып праменьне Свае хвалы.
Дай спор у працы будзённай, шэрай
на хлеб штодзённы, на родны край.
Павагу, сілу і веліч веры
у нашу праўду, у прышласьць – дай!
Дай урадлівасьць жытнёвым нівам,
учынкам нашым пашлі ўмалот.
Зрабі свабоднай, зрабі шчасьлівай
краіну нашу і наш народ![3]

Магутны Божа! Уладар сусветаў,
вялікіх сонцаў і сэрц малых!
Над Беларусяй[4], ціхай і ветлай,
рассып праменні свае хвалы.
Дай спор у працы штодзённай, шэрай,
на лусту хлеба, на родны край,
павагу, сілу і веліч веры,
у нашу праўду, у прышласць — дай!
Дай урадлівасць жытнёвым нівам,
учынкам нашым пашлі ўмалот!
Зрабі магутнай, зрабі шчаслівай
краіну нашу і наш народ![5]

Зноскі

  1. «Магутны Божа», «Маладая Беларусь» і «Паланэз» Агінскага (бел.) . «Новы час». Праверана 1 ліпеня 2018.
  2. Гімн «Магутны Божа»: «зрабі магутнай» ці «зрабі свабоднай» (бел.) . «Krynica.info». Праверана 1 ліпеня 2018.
  3. Натальля Арсеньнева: Малітва (бел.) . «Родныя вобразы». Праверана 1 ліпеня 2018.
  4. Licentia poetica: слушная граматычная форма слова «Беларусь» у творным склоне — «Беларуссю».
  5. "Магутны Божа" (бел.) . «Радыё свабода». Праверана 1 ліпеня 2018.

Літаратура[правіць | правіць зыходнік]

  • Беларуская каталіцкая музыка. Касьцельныя песьні. Для зьмешанага хору / Уклад. Уладзімер Неўдах.. — Менск: Беларуская каталіцкая грамада, 1992. — С. 72. — 92 с. — 3 000 экз.

Знешнія спасылкі[правіць | правіць зыходнік]