Барыс Фёдаравіч Баннікаў

Барыс Фёдаравіч Баннікаў
Дата нараджэння	12 кастрычніка 1923(1923-10-12)
Месца нараджэння	Таранкі, Налінскі павет[d], Вяцкая губерня, РСФСР, СССР
Дата смерці	15 кастрычніка 1943(1943-10-15) (20 гадоў)
Месца смерці	Лоеўскі раён, Гомельская вобласць, БССР, СССР
Месца пахавання	Лоеўскі раён
Род войскаў	пяхота
Званне	чырвонаармеец
Бітвы/войны	Вялікая Айчынная вайна
Узнагароды і званні

Барыс Фёдаравіч Баннікаў (12 кастрычніка 1923 — 15 кастрычніка 1943) — удзельнік Вялікай Айчыннай вайны, кулямётчык 42-га стралковага палка 106-ай Забайкальскай стралковай дывізіі 27-га стралковага корпуса 65-й арміі Цэнтральнага фронту, Герой Савецкага Саюза (30.10.1943), чырвонаармеец.

Біяграфія

Нарадзіўся 12 кастрычніка 1923 года ў вёсцы Таранкі цяпер Багародскага раёна Кіраўскай вобласці ў сялянскай сям'і. Рускі. У самым пачатку вайны на фронт пайшлі бацька і старэйшы брат, і ўсе клопаты па гаспадарцы ляглі на плечы маладога Барыса. Працаваў у калгасе.

У 1943 годзе быў прызваны ў Чырвоную армію Багародскім райваенкаматам. З верасня таго ж года на фронце. Вызначыўся ў баях пры фарсіраванні Дняпра восенню 1943 года.

15 кастрычніка 1943 пры фарсіраванні Дняпра ў раёне пасёлка Лоеў (Лоеўскі раён Гомельскай вобласці Беларусі) чырвонаармеец Баннікаў з 4 добраахвотнікамі адным з першых пераадолеў раку, захапіў ўчастак траншэі праціўніка і адкрыў агонь, прыкрываючы пераправу роты. Загінуў у гэтым баі.

Указам Прэзідыума Вярхоўнага Савета СССР ад 30 кастрычніка 1943 года за мужнасць і адвагу, праяўленыя пры фарсіраванні Дняпра, і ўстойлівасць падчас баёў на прыдняпроўскім плацдарме чырвонаармейцу Баннікаву Барысу Фёдаравічу прысвоена званне Героя Савецкага Саюза пасмяротна.

Маці Барыса, Матрона Іонаўна, некалькі гадоў нічога не ведала пра сына. Толькі ў кастрычніку 1947 года на яе імя прыйшла Грамата аб прысваенні Б. Ф. Банникову высокага звання.

Узнагароды

• Медаль «Залатая Зорка» Героя Савецкага Саюза
• Ордэн Леніна

Памяць

• Пахаваны каля вёскі Крупейкі Лоеўскага раёна Гомельскай вобласці ў брацкай магіле.
• Яго імем названы вуліцы ў пасёлку Багародскае і ў вёсцы Таранкі.
• У родным калгасе штогод праводзяцца раённыя лыжныя спаборніцтвы на прыз Героя Савецкага Саюза Б. Ф. Баннікава.

Літаратура

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Спасылкі

• Барыс Фёдаравіч Баннікаў на сайце «Героі краіны»