Бела-Бярэжскі санаторый

Пасёлак Бела-Бярэжскі санаторый Краіна Расія Суб’ект федэрацыі Бранская вобласць Муніцыпальны раён Бранскі раён Каардынаты 53°14′07″ пн. ш. 34°34′18″ у. д. Насельніцтва ▲309 чал. (2013) Часавы пояс UTC+03:00 Паштовыя індэксы 241541 Код АКАТП 15208824015 Бела-Бярэжскі санаторый на карце Расіі ±

Бела-Бярэжскі санаторый (руск.: Бело-Бережский санаторий) — пасёлак у Бранскім раёне Бранскай вобласці Расіі.

Гісторыя

Пасёлак узнік на мяжы XVIII—XIX ст. у сувязі з неабходнасцю забеспячэння вандроўных багамольцаў начлегам. Першапачаткова ўяўляў сабой аднапавярхую хату, якая размяшчалася насупраць Святых варот манастыра. Да 1841 года драўляны гатэль здрахлеў і быў заменены каменным будынкам.

У гады Першай сусветнай вайны на тэрыторыі манастыра быў размешчаны лазарэт для параненых.

У 1919 годзе на тэрыторыі манастыра была размешчана дачная калонія Маскоўскага аддзела народнай адукацыі, а з 1920 года — дзіцячая працоўная калонія.

На былой тэрыторыі манастыра пасля Другой сусветная вайны быў пабудаваны дзіцячы санаторый.

Тэрыторыя былога манастыра была перададзена пад нервова-саматычны санаторый, які з 1956 года быў перапрафіляваны ў дзіцячы санаторый. У 1950-1970-я гады тут было пабудавана некалькі новых жылых, навучальных і гаспадарчых карпусоў, кацельня і іншыя аб’екты.