Белсаюздрук

«Белсаюздрук»
Тып	унітарнае прадпрыемства
Заснаванне	6 жніўня 1991
Краіна	Беларусь
Размяшчэнне	Беларусь, Мінск, Ленінскі раён, вул. Валадарскага, д. 16
Адрас	Мінск
Ключавыя постаці	Ігар Дудзіч, Павел Паляшчук
Галіна	сфера паслуг і рознічны гандаль
Паслугі	раздробны збыт газет і часопісаў, падпіска на перыёдыку
Колькасць супрацоўнікаў	1000 (2014 год)
Матчына кампанія	Міністэрства сувязі і інфарматызацыі Рэспублікі Беларусь
Сайт	beldruk.by

Рэспубліканскае ўнітарнае прадпрыемства «Белсаюздрук» — гандлёвая сетка ў Беларусі, праз якую рэалізуецца шырокі асартымент друкарскіх выданняў (газеты, часопісы, кнігі), а таксама канцылярскіх прылад, сувеніраў, тавараў паўсядзённага попыту.

Апісанне

На пачатак 2025 года сетка РУП «Белсаюздрук» налічвала 667 гандлёвых аб’ектаў. У тым ліку: 259 павільёнаў, 327 шапікаў і 28 магазінаў, а таксама шэраг іншых аб’ектаў у Мінску і яшчэ прыкладна ў 100 населеных пунктах.

Гісторыя

Да 1991 года Рэспубліканскае аб’яднанне «Саюздрук» знаходзілася ў падпарадкаванні Міністэрства сувязі БССР.

Распараджэннем Савета Міністраў БССР № 48-р ад 6 жніўня 1991 года аб’яднанне, разам са сваімі абласнымі прадпрыемствамі, перададзена Дзяржкамітэту па друку БССР (у далейшым Камітэт стаў Міністэрствам інфармацыі Рэспублікі Беларусь).

З 1 лістапада 2018 года адбылося аб’яднанне РУП «Белсаюздрук» з «Брэстаблсаюздрук», «Віцебскаблсаюздрук», «Гомельаблсаюздрук» і «Гроднааблсаюздрук».

У 2023 годзе стаў банкрутам і быў ліквідаваны філіял «Магілёўсаюздрук». Яго актывы ў асноўным былі прададзены для пагашэння даўгоў.

Пастановай Савета Міністраў Рэспублікі Беларусь ад 8 верасня 2025 года № 484 РУП «Белсаюздрук» было перададзена з сістэмы Міністэрства інфармацыі ў падпарадкаванне Міністэрства сувязі і інфарматызацыі Рэспублікі Беларусь.