Брэмергафен

Горад Брэмергафен ням.: Bremerhaven Герб Сцяг Краіна Германія Зямля Брэмен Каардынаты 53°33′00″ пн. ш. 8°35′00″ у. д. Унутраны падзел 2 гарадскія раёны Обербургамістр Ёрг Шульц (СДПГ) Заснаваны 1 мая 1827 Плошча 86,582 км² Вышыня цэнтра 2 м Водныя аб’екты Везер, Гестэ і Лунэ[d] Насельніцтва 113 366 чалавек (2010) Часавы пояс UTC+1, летам UTC+2 Тэлефонны код 0471 Паштовыя індэксы 27501-27580 Аўтамабільны код HB (толькі нумарныя знакі з 4 лічбамі) Афіцыйны код 04 0 12 000 Афіцыйны сайт bremerhaven.de (ням.) Брэмергафен на карце Германіі

Медыяфайлы на Вікісховішчы

Брэ́мергафен (ням.: Bremerhaven [bʁeːmɐˈhaːfən], н.-ням.: Bremerhoben — «брэменская гавань») — горад на паўночным захадзе Германіі. Аванпорт г. Брэмен пры ўпадзенні р. Везер у Паўночнае мора. Адзін з галоўных пасажырскіх і рыбалоўных партоў краіны. Разам з Брэменам, які размешчаны за 60 кіламетраў ад яго, утварае зямлю Вольны ганзейскі горад Брэмен. Насельніцтва Брэмергафена станам на лістапад 2014 года склала 109 735 чалавека.

Сярод славутасцяў горада вылучаюцца Марскі арсенал і музеі.

Геаграфія

Горад размешчаны на правым (усходнім) беразе ракі Везер, у багністай мясцовасці, якая атачае яе эстуарый.

Гісторыя

Брэмергафен у 1849 годзе

Паселішчы на тэрыторыі цяперашняга Брэмергафена ўзніклі шмат стагоддзяў назад, але сам горад быў заснаваны ў 1827 годзе. З-за заносу Везера пяском Брэмен купіў участак зямлі ў вусці Везера, які быў перададзены 1 мая 1827 года і названы Брэмергафен.

Да 1830 годзе была пабудавана Старая Гавань (der Alte Hafen). У 1847—1852 гадах узнікла Новая Гавань (der Neue Hafen). У 1854 годзе Брэмергафен ператварыўся ў самы вялікі эмігранцкі порт у Еўропе. У 1873—1876 гадах — порт Кайзергафен I (Kaiserhafen I), у 1897 годзе быў пабудаваны шлюз Кайзершлёйзэ (Kaiserschleuse) і ў 1907—1909 порты Кайзергафен II і III.

У 1857 годзе было заснавана параходства Norddeutsche Lloyd, якое стала не толькі самым вялікім параходствам у Брэмене, але і ў свеце. Аж да заканчэння Першай сусветнай вайны Брэмергафен актыўна выкарыстоўваўся ваенна-марскім флотам Германіі ў якасці часавай базы.

У 1939 годзе ў Брэмергафене быў спушчаны на ваду пабудаваны на верфі «Шыхау» грузапасажырскі цеплаход «Марс», у канцы 1940-х гадоў які стаў знакамітым савецкім НДС «Віцязь».

Насельніцтва

Год Колькасць 1975 143 836 1980 138 728 1990 130 446 2000 120 822 2010 113 366 Год Колькасць 2011 112 982 2012 108 323 2013 108 844 2015 114 025 2016 113 034 Год Колькасць 2017 113 026 2018 113 634 2019 113 634 2020 113 557 2021 113 173 Год Колькасць 2022 115 468 2023 114 677

Эканоміка

Праз Брэмергафен адбываецца ўвоз жалезнай руды, маецца кантэйнерны тэрмінал. Развіта суднабудаванне і суднарамонт, электра-тэхнічная і хімічная прамысловасць, а таксама рыбаперапрацоўка.

Рэгіянальныя рухі

Большая частка даходаў ад Брэмергафенскага порта ідзе ў бюджэт зямлі Брэмен, гэта значыць, фактычна, пакідае горад. Таму ў горадзе існуюць розныя грамадскія рухі, якія выступаюць за змяненне сучаснага статусу горада — за выхад з зямлі Брэмен. Большасць гэтых рухаў выступае за стварэнне асобнай зямлі Брэмергафен. Некаторыя рухі змагаюцца за ўваходжанне Брэмергафена ў склад зямлі Ніжняя Саксонія. Варта падкрэсліць, што цяперашняя сітуацыя, калі «Брэмергафен корміць Брэмен», не задавольвае пераважную большасць жыхароў горада. Таму рэгіянальныя сепаратысцкія рухі становяцца ўсё больш моцнымі год ад года.

Гарады-пабрацімы

•  Балтымар, ЗША
•  Грымсбі, Вялікабрытанія (22 лютага 1963)
•  Калінінград, Расія (24 красавіка 1992)
•  Поры, Фінляндыя (16 мая 1969)
•  Фрэдэрыксхаўн, Данія (16 чэрвеня 1979)
•  Шанлыўрфа, Турцыя
•  Штыгліц-Цэлендорф^[d], Германія (1965)
•  Шчэцін, Польшча (16 кастрычніка 1990)
•  Шэрбур-Актэвіль, Францыя (29 чэрвеня 1960)
•  Шэрбур-ан-Катантэн^[d], Францыя (31 снежня 2015)

Галерэя

• 
  Краявід Брэмергафена
• 
  Порт
• 
  Skyline

Краявід Брэмергафена

Літаратура

• Брэмергафен. Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
• Бремергафен // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Спасылкі

• На Вікісховішчы ёсць медыяфайлы па тэме Брэмергафен
• Афіцыйны сайт горада Брэмергафен(недаступная спасылка)
• Актуальная статыстыка па зямлі Брэмен