Ваганетка

З пляцоўкі Вікіпедыя
Jump to navigation Jump to search
Ваганетка

Ваганетка — адкрыты вагон малой ёмістасці (0,5—6 м³), прызначаны для перавозкі грузаў, які перамяшчаецца па вузкакалейнай чыгунцы (па тэрыторыі прамысловых прадпрыемстваў, у прыватнасці, на шахтах і рудніках).

Ваганеткі выкарыстоўваюцца для перавозкі грузаў (а часам і людзей) на невялікія адлегласці.

Па прызначэнні ваганеткі падпадзяляюць на грузавыя, пасажырскія і спецыяльныя. Грузавая ваганетка складаецца з кузава, рамы, буфераў і прычапных прыстасаванняў. Адрозніваюць наступныя асноўныя віды грузавых ваганетак:

  • з глухім неперакульваемым або перакульваемым кузавам;
  • з адкідальным дном;
  • з адкідальным бортам.

Найбольш распаўсюджанымі з'яўляюцца грузавыя ваганеткі з глухім неперакульваемым кузавам ёмістасцю да 4,2 м³ — для вугалю, і да 9,5 м³ — для руды. У каляровай металургіі і пры геалагічных разведачных работах выкарыстоўваюць ваганеткі ёмістасцю 0,35—1 м³ з глухім перакульваемым кузавам.

Літаратура[правіць | правіць зыходнік]

Спасылкі[правіць | правіць зыходнік]