Вадзім Іванавіч Осіпаў

Вадзім Іванавіч Осіпаў
Вадзім Іванавіч Осіпаў
Дата нараджэння	7 лістапада 1956 (67 гадоў)
Месца нараджэння	Верамееўка, Першамайскі сельсавет, Гарадоцкі раён, Віцебская вобласць, БССР, СССР;
Грамадзянства	Беларусь;
Род дзейнасці	мастак, выкладчык універсітэта
Месца працы	Віцебскі дзяржаўны ўніверсітэт імя П. М. Машэрава;
Вучоба	мастацка-графічны факультэт ВДУ (1979); Інстытут жывапісу, скульптуры і архітэктуры імя І. Я. Рэпіна (1993);
Член у	Беларускі саюз мастакоў;

Вадзім Іванавіч Осіпаў (7 лістапада 1956, в Верамееўка, Гарадоцкі раён, Віцебская вобласць) — беларускі мастак. Член Таварыства вольных мастакоў г. Санкт-Пецярбург (1988). Член Беларускага саюза мастакоў (2007).

Біяграфія[правіць | правіць зыходнік]

Скончыў мастацка-графічны факультэт Віцебскага дзяржаўнага педагагічнага інстытута імя С. М. Кірава (1979), факультэт тэорыі і гісторыі мастацтва Санкт-Пецябургскай Акадэміі мастацтваў (1993). З 2001 года выкладае ў Віцебскім дзяржаўным універсітэце імя П. М. Машэрава на кафедры выяўленчага мастацтва.

Жыве ў Віцебску.

Творчая дзейнасць[правіць | правіць зыходнік]

З 1981 года ўдзельнічае ў мастацкіх выставах у Беларусі, Расіі, Швецыі, Германіі, Японіі, Францыі.

Працуе пераважна ў тэхніцы алейнага жывапісу, у жанры нацюрморта і тэматычнай кампазіцыі. У сваёй творчасці звяртаецца да сімволікі, міфалогіі, рэлігійнай тэматыкі.

Сярод работ: «П’еса для саксафона» (1989), «У лабірынце» (1990), «Лінія на далоні» (1990), «Разлом» (1996), «Сцяна» (1996), «Эманацыя лічбаў» (1996), «Нараджэнне бурштыну» (1996), «Рытуал» (1997), «Тры рыбіны» (1997), «Залатая рака» (1999), «Перад чашай» (1999), «Пацір» (2000), «Да веры» (2001), «Залатое руно» (2001), «Браціна» (2002), «Зіма» (2003), «Вугал» (2005), «Калодзеж шчасця» (2006), «Горад» (2006), «Асенняе ахвярапрынашэнне» (2006), «Фокуснік» (2009), «Стары дом» (2010) і інш.

Літаратура[правіць | правіць зыходнік]

Осіпаў Вадзім Іванавіч // Памяць : Гарадоцкі р-н : гісторыка-дакументальныя хронікі гарадоў і раёнаў Беларусі / уклад. С. І. Садоўская; рэдкал. Н. А. Бурунова [і інш.]. — Мн., 2004. — С. 720.
Цыбульский, М. Л. Осипов Вадим Иванович / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2011. — Т. 2 : Витебская область. Кн. 2. — С. 267.