Вадзім Віктаравіч Дзямідчык

Вадзім Віктаравіч Дзямідчык
Вадзім Віктаравіч Дзямідчык
Дата нараджэння	1972
Грамадзянства	Беларусь;
Месца працы	біялагічны факультэт БДУ; Кембрыджскі ўніверсітэт; Эсэкскі ўніверсітэт;
Навуковая ступень	доктар біялагічных навук
Навуковае званне	прафесар;
Альма-матар	біялагічны факультэт БДУ;

Вадзім Віктаравіч Дзямідчык (нар. 1972, г. Мінск) — беларускі вучоны, спецыяліст у галіне клетачнай біялогіі, біяфізікі, біяінжынерыі і фізіялогіі раслін. Доктар біялагічных навук, прафесар.

Біяграфія[правіць | правіць зыходнік]

Выпускнік біяфака 1994 года, скончыў у 1997 годзе аспірантуру БДУ, у 1998 годзе абараніў кандыдацкую, а ў 2011 годзе — доктарскую дысертацыю (яна была прызнана найлепшай па прыродазнаўчых навуках па ацэнцы ВАК Беларусі).

У 1997 годзе пасля завяршэння аспірантуры пачаў кар’еру ў якасці выкладчыка БДУ. У перыяд з 2000 па 2011 год працаваў навуковым супрацоўнікам Універсітэта Кембрыджа, а затым лектарам і кіраўніком другога года навучання ва Універсітэце Эсекса. З 2011 года — загадчык кафедры клетачнай біялогіі і біяінжынерыі раслін біялагічнага факультэта БДУ.

У 2011 годзе быў абраны асацыяваным членам Брытанскай акадэміі вышэйшай адукацыі^[1].

Навуковая і грамадская дзейнасць[правіць | правіць зыходнік]

За час працоўнай дзейнасці кіраваў больш як 40 навуковымі праектамі ў Беларусі, Вялікабрытаніі і Расійскай Федэрацыі, а таксама з’яўляўся навуковым кіраўніком больш чым 60 студэнтаў і аспірантаў.

Аўтар каля 300 навуковых прац, уключаючы артыкулы ў Nature, Plant Cell і Annual Reviews of Plant Biology, манаграфій у выдавецтве Springer. Па сістэме Google Scholar колькасць цытаванняў аўтара складае 6272. З’яўляецца членам рэдакцыйнай калегіі шэрагу міжнародных навуковых часопісаў, сакратаром экспертнага савета № 34 (фізіка-хімічная біялогія) ВАК Беларусі. Узначальвае навукова-тэхнічную секцыю экспертнага савета № 1 па прыродазнаўчых навуках ДКНТ Беларусі^[2].

Зноскі

↑ Вадзім Дзямідчык: Паспрабаваць зрабіць нешта ў сваёй краіне
↑ Біяфак 3.0. Вадзім Дзямідчык распавёў пра новыя кірункі ў развіцці біялагічнага факультэта (нявызн.)(недаступная спасылка). Архівавана з першакрыніцы 10 верасня 2022. Праверана 10 верасня 2022.

Спасылкі[правіць | правіць зыходнік]

ДЕМИДЧИК ВАДИМ ВИКТОРОВИЧ
Вадзім Віктаравіч Дзямідчык у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)

[1] Вадзім Дзямідчык: Паспрабаваць зрабіць нешта ў сваёй краіне

[2] Біяфак 3.0. Вадзім Дзямідчык распавёў пра новыя кірункі ў развіцці біялагічнага факультэта (нявызн.)(недаступная спасылка). Архівавана з першакрыніцы 10 верасня 2022. Праверана 10 верасня 2022.

[1]

[2]