Валерый Уладзіміравіч Драко

Валерый Уладзіміравіч Драко
дэпутат Вярхоўнага Савета Беларусі 3 мая 1996 — 9 студзеня 2001
Нараджэнне	19 мая 1946(1946-05-19) (79 гадоў) Саўкова, Доктаравіцкі сельсавет, Капыльскі раён, Бабруйская вобласць, Беларуская ССР, СССР
Грамадзянства	Беларусь
Партыя	Камуністычная партыя Беларусі
Адукацыя	Ляхавіцкі дзяржаўны аграрны каледж (1966) Мінскі дзяржаўны педагагічны інстытут імя Максіма Горкага (1969)

Валерый Уладзіміравіч Драко (нар. 19 мая 1946, в. Саўкова Капыльскага раёна) — беларускі педагог і палітык. Выдатнік народнай адукацыі.

Біяграфія

Вучыўся ў Ленінскай сярэдняй школе, з 1960 па 1966 год — у Ляхавіцкім саўгасе-тэхнікуме. З 1969 года пасля заканчэння Мінскага дзяржаўнага педінстытута працаваў настаўнікам беларускай мовы і літаратуры, затым дырэктарам школы Мінскага раёна.

Працаваў інспектарам школ Міністэрства адукацыі і ў апараце Урада Беларусі. Больш за 30 гадоў працаваў у сістэме дзяржаўнага кіравання, добра ведае праблемы адукацыі, навукі, культуры і г.д.

Працаваў старшым рэферэнтам, галоўным спецыялістам Кіраўніцтва справамі Савета Міністраў, галоўным спецыялістам групы саветнікаў прэм’ер-міністра Рэспублікі Беларусь (1995—1996).

У 2006 годзе стаў першым сакратаром Мінскага гаркама Камуністычнай партыі Беларусі.

Выбіраўся дэпутатам Вярхоўнага Савета Рэспублікі Беларусь трынаццатага склікання, прызначаўся дэпутатам Палаты Прадстаўнікоў Нацыянальнага сходу Рэспублікі Беларусь 1-га склікання.

Літаратура

• Драко Валерий Владимирович // Кто есть кто в Республике Беларусь. — М.: Завигар, 1999. — С. 93.