Перайсці да зместу

Варварызм

З Вікіпедыі, свабоднай энцыклапедыі

Варвары́зм або барбары́зм[1] (ад грэч. βαρβαρισμός — іншамоўны) — запазычанае слова ці выраз, якія не асвоены або асвоены часткова (пераважна графічна) у мове.

Вылучаюцца агульныя і індывідуальныя. Агульныя варварызмы выкарыстоўваюцца пастаянна і могуць паўтарацца ў розных тэкстах: cito — тэрмінова (у медыцыне), tete-a-tete — з вока на вока. Індывідуальныя сустракаюцца пераважна ў мове мастацкай літаратуры для стварэння мясцовага каларыту; яны звычайна не паўтараюцца і не выходзяць за межы аднаго твора: «Звон кафедральны кліча на Ave» (Максім Танк), «„Згодны… Суцінку!.. Лайёт!..“ — загуло ў натоўпе» (Пятрусь Броўка).

  1. Расейска-беларускі слоўнік (Некрашэвіч-Байкоў) · Slounik.org . slounik.org. Праверана 9 студзеня 2025.