Васіль Мікалаевіч Новікаў

Васіль Мікалаевіч Новікаў
Партыя	КПСС (1969—1991) Беларуская партыя аб’яднаных левых «Справядлівы свет»
Адукацыя	Філасофскі факультэт Санкт-Пецярбургскага дзяржаўнага ўніверсітэта[d] (1974)
Навуковая ступень	доктар філасофскіх навук
Дзейнасць	палітык, навуковец
Месца працы	Беларуская дзяржаўная сельскагаспадарчая акадэмія Інстытут філасофіі НАН Беларусі Беларускі дзяржаўны ўніверсітэт фізічнай культуры
Нараджэнне	21 лютага 1946(1946-02-21) (74 гады) Ламачына, Забалацкі сельсавет, Аршанскі раён, Віцебская вобласць, БССР, СССР

Васіль Мікалаевіч Новікаў (21 лістапада 1946, вёска Ламачына, Аршанскі раён, БССР) — беларускі навуковец і палітык, кандыдат на пост прэзідэнта Беларусі ў 1994 годзе.

Біяграфія

Васіль Новікаў нарадзіўся 21 лістапада 1946 года ў вёсцы Ламачына Аршанскага раёна. Быў адзінаццатым дзіцем у сям’і рабочага-чыгуначніка. З 1969 па 1974 год вучыўся на філасофскім факультэце Ленінградскага дзяржаўнага ўніверсітэта. Да паступлення ва ўніверсітэт працаваў слесарам-зборшчыкам на Аршанскім прыборабудаўнічым заводзе, служыў у Савецкай арміі ў танкавых войсках, затым працаваў слесарам Аршанскага завода «Легмаш» і слесарам-электрамантажнікам вопытнага завода ў Ленінградзе.

Пасля заканчэння ЛДУ — выкладчык у Беларускай сельскагаспадарчай акадэміі, з 1977 года — інструктар Чэрыкаўскага райкама КПБ, у 1985—1988 гадах — першы сакратар Чэрыкаўскага райкама КПБ, затым першы намеснік загадчыка аргаддзела ЦК КПБ. З 1969 года — член КПСС.

Народны дэпутат Рэспублікі Беларусі 12-га склікання. Быў першым намеснікам старшыні Вярхоўнага Савета Рэспублікі Беларусь 13-га склікання.

У 1994 годзе ўдзельнічаў у выбарах прэзідэнта Беларусі, заняў апошняе месца, набраўшы 4,29 % галасоў.

Пасля выбараў знаходзіўся ў апазіцыі да Аляксандра Лукашэнкі. З 1998 года — саветнік пасольства Беларусі ў Малдове. Пасля працы ў пасольстве ўзначальваў Інстытут філасофіі НАН Беларусі да 2009 года. З 2009 года — загадчык кафедры філасофіі Беларускага дзяржаўнага ўніверсітэта фізічнай культуры.