Вячаслаў Францавіч Кебіч

Вячаслаў Францавіч Кебіч
1-ы Прэм'ер-міністр Беларусі
18 верасня 1991 — 21 ліпеня 1994
Прэзідэнт:	Аляксандр Лукашэнка (1994)
Папярэднік:	пасада зацверджаная
Пераемнік:	Міхаіл Мікалаевіч Чыгір
9-ы Старшыня Савета Міністраў БССР
7 красавіка 1990 — 18 верасня 1991
Папярэднік:	Міхаіл Кавалёў
Пераемнік:	пасада скасаваная
Партыя:	КПСС (1962 – 1991)
Адукацыя:	1) Беларускі палітэхнічны інстытут 2) Вышэйшая партыйная школа пры ЦК КПБ
Веравызнанне:	Рыма-каталік
Нараджэнне:	10 чэрвеня 1936(1936-06-10) (80 гадоў) в. Канюшаўшчына, Польшча
Бацька:	Франц Карлавіч Кебіч
Маці:	Таццяна Васільеўна Кебіч
Жонка:	Алена Кебіч
Узнагароды:

Вячаслаў Францавіч Кебіч (10 чэрвеня 1936, в. Канюшаўчына, Навагрудскае ваяводства (цяпер Валожынскі раён, Мінская вобласць) — беларускі палітык, першы прэм'ер-міністр Беларусі у перыяд з 1990 па 1994 гг.

Біяграфія

Скончыў Беларускі палітэхнічны інстытут і Вышэйшую партыйную школу пры ЦК КПБ. З'яўляецца кандыдатам эканамічных навук.

Пасля сканчэння інстытута, працаваў інжынерам-тэхнолагам, старэйшым інжынерам-тэхнолагам, начальнікам участку, начальнікам цэха, намеснікам галоўнага інжынера Мінскага заводу аўтаматычных ліній.

• 1973—1978 — галоўны інжынер, дырэктар Мінскага станкабудаўнічага заводу імя Кірава
• 1978—1980 — генеральны дырэктар Мінскага ПА па выпуску працяглых і адразных станкоў імя Кірава
• 1980—1985 — другі сакратар Мінскага ЦК КПБ, загадчык аддзелам ЦК КПБ, другі сакратар Мінскага ЦК КПБ
• 1985—1990 — намеснік Старшыні Савета Міністраў БССР — Старшыня Дзяржплана БССР
• 1989—1992 — народны дэпутат СССР
• 1990—1994 — Старшыня Савета Міністраў БССР, Прэм'ер-Міністр Беларусі
• 1995—1996 — дэпутат Вярхоўнага Савета Беларусі
• 1996—2004 — дэпутат Палаты прадстаўнікоў

Член КПСС (1962—1991), член ЦК КПСС (1990—1991).

Прэзідэнцкія выбары 1994 года

15 сакавіка 1994 года Вярхоўны Савет прыняў Канстытуцыю Рэспублікі Беларусь, па якой яна аб'яўлена унітарнай дэмакратычнай сацыяльнай прававой дзяржавай. Згодна з Канстытуцыяй, краіна абвяшчалася прэзідэнцкай рэспублікай. Першыя выбары Прэзідэнта Беларусі былі прызначаны на 23 чэрвеня 1994 года. Вячаслаў Кебіч удзельнічаў у выбарах як самавылучэнец. у першым туры набраў 17,33 % (1 023 174 голаса), саступіўшы толькі Аляксандру Лукашэнка. У другім туры, што адбыўся 10 ліпеня 1994 года, набраў 14,2 % (748 329 галасоў) і не змог выйграць выбары. Пасля выбараў узначаліў Беларускі гандлёва-фінансавы саюз.

Літаратура

• Кебич, В. Ф. Искушение властью : из жизни премьер-министра / В. Ф. Кебич; под ред. И. Н. Осинского. — Минск : Парадокс, 2008. — 478, [1] с., [12] л. ил.

Узнагароды

• Ордэн Працоўнага Чырвонага Сцяга
• Ордэн «Знак Пашаны»
• Заслужаны машынабудаўнік БССР
• Лаўрэат Дзяржаўнай прэміі БССР
• Ганаровая грамата Прэзідыума Вярхоўнага Савета Беларусі (1996)

Спасылкі

• Профіль на праекце «Кто есть кто в Республике Беларусь» (руск.) 
• Кебич: Я бы не проиграл в 1994-м, если бы… (руск.)