Ваўкавыскі дзяцінец
Крэпасць | |
Ваўкавыскі дзяцінец | |
---|---|
Краіна | |
Месцазнаходжанне |
Ваўкавыскі дзяцінец — умацаваная цэнтральная частка сярэднявечнага Ваўкавыска. Драўляны дзядзінец размяшчаўся на ўзвышшы, цяпер вядомай як Шведская гара. Знаходзіцца на паўднёва-ўсходняй ускраіне горада. Пляцоўка круглявай формы дыяметрам каля 50 м умацавана па перыметры магутным абарончым валам вышынёй да 7 м. Ад вакольнага горада (Замчышча) дзяцінец быў адрэзаны ровам.
Шведская гара неаднаразова даследавалася археолагамі, сярод якіх былі Ю. Ядкоўскі, Г. П. Пех, В. Р. Тарасенка, П. А. Рапапорт, М. К. Каргер, Я. Г. Звяруга. Раскопкі паказалі, што культурныя напластаванні адносяцца да XI—XIV стагоддзяў. Валы былі ўзведзены адначасова з яго засяленнем у XI стагоддзі. Па археалагічных даных, паселішчу на дзяцінцы папярэднічала паселішча на суседнім узгорку. Большасць знаходак адносяцца да росквіту старажытнага Ваўкавыска ў другой палове XII і першай палове XIII стагоддзя. Знойдзена шмат прадметаў узбраення, высокамастацкіх вырабаў, у тым ліку заходнееўрапейскіх. Сярод знаходак — свінцовая пячатка з выявай святога Сімяона і квітнеючага крыжа па баках. Жыццё ў дзядзінцы замірае на мяжы XIII—XVI стагоддзяў, пазней насельніцтва сыходзіць і з вакольнага горада. Паселішча перамяшчаецца на сваё цяперашняе месца.
Літаратура[правіць | правіць зыходнік]
- Алексеев Л. В. Западные земли домонгольской Руси: очерки истории, археологии, культуры в двух книгах. — М: Наука, 2006. — Т. 1. — 288 с. — ISBN 9785020349377.
- Зверуго Я. Г. Древний Волковыск (X—XIV вв.). — Минск: Наука и техника, 1975. — 144 с.
- Куза А. В. Древнерусские городища X—XIII вв. Свод археологических памятников / Ред. А. К. Зайцев. — М.: Христианское издательство, 1996. — С. 93.