Векавое дрэва дуб 1

З пляцоўкі Вікіпедыя
Jump to navigation Jump to search
Векавое дрэва дуб 1
Катэгорыя МСАП — III (Помнік прыроды)
Размяшчэнне Беларусь, г. Магілёў, Магілёўскай вобласці
Дата заснавання 1982

Векавое дрэва дуб 1 — батанічны помнік прыроды мясцовага значэння ў горадзе Магілёве Магілёўскай вобласці Беларусі. Расце каля дому № 18 па вул. Пляханава, на тэрыторыі Магілёўскага РАУС[1][2]. Ахоўны статус нададзены ў 1982 годзе[3].

Помнік прыроды прадстаўлены дубам чарэшчатым (Quercus robur L.). Высокаўзроставыя дубы (асабліва лімітавых класаў узросту) уяўляюць сабой старое пакаленне дрэвастояў, якое захавалася ў старадаўніх парках ці ад першабытных лясоў, і нясе ў сабе зрэз шматвяковай гісторыі. У наш час на тэрыторыі Беларусі сустракаюцца асобнымі экземплярамі[1].

Дыяметр ствала на вышыні 1,3 м — 124 см. Агульная вышыня — 19,8 м, вышыня да першага жывога сучка — 1,4 м, вышыня максімальнай шырыні кроны — 13 м. Радыус кроны ад 10,2 да 14 м[1]. Раней па табліцах ходу росту ўзрост дрэва вызначаўся як 300 гадоў, аднак дзякуючы адбору керна прыростным свідрам у 2015 годзе, было выяўлена, што ўзрост дрэва складае каля 150 гадоў.

Стан дуба характарызуецца як здаровы з прыкметамі паслаблення. Крона густая, лісце зялёнае з нязначным працэнтам усыхання асобных галін другога парадку і слабой заражанасцю лісця грыбом Microsphaera alphitoides Griff. et Maubl., якое выклікае захворванне, вядомае як «мучністая раса». На вышыні 4,5 м ствол падзяляецца на дзве вядучыя галіны. З усходняга боку на галіны другога парадку адзначаны пладовыя целы губы, частка галіны ўсохла. Ствол не пашкоджаны, з паўночнага боку адзначаны стары след ад удару маланкі[1]. З дапамогай тамографа была вызначана адсутнасць ствалавой гнілаты (2015).

Зноскі

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.