Вераб'і

З пляцоўкі Вікіпедыя
Перайсці да: рух, знайсці
Вераб'і
Passer montanus Baikonur 001.jpg
Навуковая класіфікацыя
Міжнародная навуковая назва

Passer Brisson, 1760

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   179627
NCBI   9159
EOL   80211
FW   99164

Вераб'і (Passer) — род птушак атрада вераб'інападобных.

Даўжыня 12—18 см, маса 20—37 г. Апярэнне светла-шэрае, бураватае і чорнае. У самцоў многіх відаў чорная пляма на горле.

Адрозніваецца больш за 20 відаў. Пашыраны ў Еўразіі, Афрыцы, некаторыя віды завезены ў Паўночную і Паўднёвую Амерыку, Аўстралію, Новую Зеландыю і іншыя месцы. Жывуць у населеных месцах, садах, парках, гаях, поймавых дубровах, на палях, у пустынях. На Беларусі 2 віды: верабей дамавы і верабей палявы, аселыя. Верабей палявы часткова вандроўны від.

Амаль усе чародныя, у перыяд гнездавання — каланіяльныя птушкі. Гнёзды пад дахамі, у нішах будынкаў, у дуплах, норах, на дрэвах. Калі кормяць птушанят, знішчаюць шмат шходных насякомых. Дарослыя кормяцца пераважна зернем. Шкодзяць збожжавым культурам.

Літаратура[правіць | правіць зыходнік]

  • Вераб'і // БЭ ў 18 т. Т. 4. — Мн.: БелЭн. 1997.