Вячаслаў Аляксандравіч Сярдзюк

З пляцоўкі Вікіпедыя
Jump to navigation Jump to search
Футбол
Вячаслаў Сярдзюк
Vyacheslav Serdyuk.jpg
Агульная інфармацыя
Поўнае імя Вячаслаў Аляксандравіч Сярдзюк
Нарадзіўся 28 студзеня 1985(1985-01-28)[1] (36 гадоў)
Грамадзянства Сцяг Украіны Украіна
Рост 184 см
Вага 76 кг
Пазіцыя абаронца
Інфармацыя пра клуб
Клуб завяршыў кар’еру
Маладзёжныя клубы
1998—2002 Сцяг Украіны РВФК (Кіеў)
Клубная кар’ера[* 1]
2004—2009 Сцяг Украіны Дняпро (Днепрапятроўск) 20 (0)
2007—2008   Сцяг Украіны Нафтавік-Укрнафта (Ахтырка) 23 (1)
2008   Сцяг Украіны Крыўбас (Крывы Рог) 16 (0)
2009   Сцяг Украіны Крыўбас (Крывы Рог) 14 (0)
2010—2013 Сцяг Украіны Крыўбас (Крывы Рог) 73 (1)
2013 Сцяг Украіны Арсенал (Кіеў) 3 (0)
2014 Сцяг Беларусі Гомель 29 (0)
2015 Сцяг Беларусі Тарпеда-БелАЗ (Жодзіна) 19 (1)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30.01.2016.
Commons-logo.svg Вячаслаў Аляксандравіч Сярдзюк на Вікісховішчы

Вячаслаў Сярдзюк (нар. 28 студзеня 1985, Шостка, Сумская вобласць) — былы ўкраінскі футбаліст, абаронца.

Клубная кар’ера[правіць | правіць зыходнік]

Выхаванец ДЮСШ роднага горада Шостка і кіеўскага РВФК. З 2004 года — у днепрапятроўскім «Дняпро», дзе спачатку выступае ў дублюючым складзе каманды, а 12 сакавіка 2006 года дэбютуе ў складзе асноўнай каманды ў матчы Вышэйшай лігі чэмпіянату Украіны супраць ужгарадскага «Закарпацця» (перамога 4:0). У тым жа годзе выклікаўся ў шэрагі моладзевай зборнай Украіны, аднак ні разу ў яе складзе ў афіцыйных матчах на поле не выхадзіў.

Не прабіўшыся ў асноўны склад «Дняпро», сезон 2007/08 Сярдзюк правёў у арэндзе ў першалігавым «Нафтавіку» з Ахтыркі, а наступныя паўгады — у крыварожскім «Крыўбасе».

У пачатку 2009 года вярнуўся ў «Дняпро», за якое згуляў яшчэ восем матчаў у чэмпіянаце, аднак, не змог выйграць канкурэнцыю ў камандзе і на паўгады зноў быў адпраўлены ў арэнду ў Крывы Рог. У пачатку 2010 года «Крыўбас» выкупіў трансфер гульца.

Улетку 2013 года «Крыўбас» быў расфарміраваны і Сярдзюк на правах вольнага агента перайшоў у кіеўскі «Арсенал»[2], але ўжо восенню таго ж года «кананіры» таксама зняліся з чэмпіянату.

У пачатку 2014 года на правах вольнага агента перайшоў у беларускі клуб «Гомель»[3]. Здолеў замацавацца ў аснове гомельскага клуба на пазіцыі цэнтральнага абаронцы, дзе складаў пару свайму суайчынніку Дзмітрыю Неўмываку. Па заканчэнні сезону ў снежні 2014 пакінуў «Гомель»[4].

У студзені 2015 года знаходзіўся на праглядзе ў карагандзінскім «Шахцёры», але беспаспяхова[5]. Неўзабаве далучыўся да жодзінскага «Тарпеда-БелАЗ», з якім у лютым 2015 падпісаў кантракт[6]. Пачаў сезон 2015 на пазіцыі цэнтральнага абаронцы. У маі не гуляў з-за траўмы, пасля вяртання на поле стаў выкарыстоўвацца звычайна ў якасці апорнага паўабаронцы. У студзені 2016 года пакінуў жодзінскі клуб[7] і завяршыў прафесійную кар’еру.

Зноскі

Спасылкі[правіць | правіць зыходнік]