Вігі (ЗША)

Партыя вігаў
англ.: Whig Party
Лідар	Генры Клей Дэніэл Уэбстэр Уільям Генры Гарысан Закары Тэйлар
Заснавальнік	Генры Клей, Хорас Грылі[d] і Уільям Генры Гарысан
Дата заснавання	1833
Дата роспуску	1856
Штаб-кватэра	Вашынгтон
Краіна	ЗША
Ідэалогія	парламентарызм, кансерватызм
Медыяфайлы на Вікісховішчы

Не блытаць з палітычнай фракцыяй і партыяй Вялікабрытаніі.

Партыя ві́гаў (англ.: Whig Party) — адна з асноўных палітычных партый ЗША ў 1833—1856 гадах.

Амерыканская партыя вігаў была створана ў 1833 г. у процівагу Дэмакратычнай партыі і Прэзідэнту Эндру Джэксану. Першапачаткова яна яб'ядноўвала прыхільнікаў Нацыянальнай рэспубліканскай партыі, Антымасонскай партыі і некаторых дэмакратаў, незадаволеных фінансава-эканамічнай палітыкай аднапартыйцаў.

Вігі выступалі за вяршэнства закона і нязменнасць Канстытуцыі, абарону ўласнасці, падтрыманне грамадскага парадку. Іх эканамічныя патрабаванні ўключалі падтрымку адзінай фінансавай сістэмы і высокіх тарыфаў, палітыку размеркавання і федэральнага фінансавання інфраструктурных праектаў.

Палітыкі, якія балатаваліся ад партыі вігаў і займалі пасады прэзідэнтаў ЗША:

• Уільям Генры Гарысан
• Закары Тэйлар
• Джон Тайлер
• Мілард Філмар

Партыя вігаў распалася пасля выбрання прэзідэнтам дэмакрата Франкліна Пірса. Яе пераемніцай лічыцца Рэспубліканская партыя.

Спасылкі

• Whig Party — Definition, Beliefs & Leaders
• Whig Party (United States) — New World Encyclopedia
• The American Whig Party (1834—1856) — Hal Morris