Вікенцій Ігнатавіч Дмахоўскі
Вікенцій Ігнатавіч Дмахоўскі | |
---|---|
Дата нараджэння | 1807[1][2][…] |
Месца нараджэння | |
Дата смерці | 22 лютага 1862[3] |
Месца смерці | |
Грамадзянства | |
Бацька | Ігнацы Дмахоўскі[d] |
Маці | Марыя з Зяновічаў[d] |
Дзеці | Уладзіслаў Дмахоўскі |
Род дзейнасці | мастак |
Жанр | Жывапіс |
Вучоба | |
Медыяфайлы на Вікісховішчы |
Вікенцій Ігнатавіч Дмахоўскі (1807, в. Нагародавічы — 22 лютага 1862, Вільна) — мастак.
Біяграфія
[правіць | правіць зыходнік]Пачатковую адукацыю атрымаў у піярскім вучылішчы ў Шчучыне, паводле некаторых звестак таксама вучыўся ў Навагрудку. У 1826 г. В. Дмахоўскі паступіў у Віленскі ўніверсітэт на літаратурны факультэт, адначасова з вучобай браў урокі малявання ў Яна Рустэма. Прымаў удзел у Лістападаўскім паўстанні (1830—1831), пасля яго паражэння вымушаны быў эмігрыраваць у Прусію. У 1837 г. царскі ўрад абвясціў амністыю, В. Дмахоўскі вярнуўся ў Вільню. У Вільні В. Дмахоўскі адкрыў мастацкую майстэрню, якая за 20 год працы стала своеасаблівай мастацкай школай, дзе вучыліся многія вядомыя майстры, у т.л. Х. Скірмунт і інш. Часта наведваў свой небагаты маёнтак Нагародавічы.
Віленскі перыяд у творчасці В. Дмахоўскага прынёс шматлікія і разнастайныя творы, але краявіды радзімы асабліва хвалявалі мастака, гэта адчуваецца ва ўсіх творах мастака: «На начлезе», «Каля пераправы», «Навагрудак», «Возера Свіцязь», «Радзіма» («Двор у Нагародавічах», 1843) і інш. Працаваў мастак шмат, сучаснікі налічвалі больш за сто пейзажаў і жанравых карцін. В. Дмахоўскага называлі «Клод Ларэн віленскіх ваколіц», як і французскі жывапісец 17 ст., В. Дмахоўскі быў мастаком-рамантыкам, знаходзіў у штодзённым жыцці эмацыянальны настрой, паэзію і веліч. Творчая спадчына мастака захоўваецца ў музеях Літвы і Польшы.
Таксама В. Дмахоўскі вядомы як скульптар і сцэнограф. У 1850—1854 г. афармляў спектаклі ў Віленскім гарадскім тэатры («Галька» С. Манюшкі, «Італьянка ў Алжыры» Дж. Расіні, «Фаварытка» Г. Даніцэці і інш.).
Сям'я
[правіць | правіць зыходнік]Сын В. Дмахоўскага — Уладзіслаў Дмахоўскі, таксама жывапісец.
Галерэя
[правіць | правіць зыходнік]-
Крыжакі перад атакай замка Пуня
-
Кляштар у Пажайсце
-
Туганавічы, двор і пуня
-
Лясны пажар
-
Руіны замка на возеры Троцкім
Зноскі
- ↑ Wincenty Dmochowski // Répertoire International des Sources Musicales — 1952.
- ↑ Wincenty Dmochowski // NUKAT — 2002.
- ↑ RKDartists Праверана 23 жніўня 2017.
Літаратура
[правіць | правіць зыходнік]- Дробаў Л. М. Мастакі XIX стагоддзя. — Мінск, «Беларусь», 1971.
- Старонка Вінцэнта Дмахоўскага // на pawet.net