Перайсці да зместу

Вікторыя Георгіева

З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Георгіева.
Вікторыя Георгіева
балг.: Виктория Георгиева
Асноўная інфармацыя
Поўнае імя балг.: Виктория Георгиева
Дата нараджэння 21 верасня 1997(1997-09-21) (27 гадоў)
Месца нараджэння
Краіна
Музычная дзейнасць
Прафесіі спявачка, аўтарка песень
Інструменты вакал
Жанры поп-музыка
Супрацоўніцтва Нікі Бакалаў, VenZy
Лагатып Вікісховішча Медыяфайлы на Вікісховішчы

Вікторыя Георгіева (балг.: Виктория Георгиева; прафесійна вядомая пад псеўданімам Вікторыя; нар. 21 верасня 1997, г. Варна, Балгарыя) — балгарская спявачка і аўтарка песень. Сваю творчую кар’еру яна пачала пасля ўдзелу ў чацвёртым сезоне шоу талентаў X Factor Bulgaria. Прадстаўніца Балгарыі на песенным конкурсе «Еўрабачанне-2021». Раней яна павінна была прадстаўляць Балгарыю на адмененым «Еўрабачанні-2020» з песняй «Tears Getting Sober».

Біяграфія

[правіць | правіць зыходнік]

Раннія гады

[правіць | правіць зыходнік]

Вікторыя Георгіева нарадзілася 21 верасня 1997 года ў балгарскім горадзе Варна[1]. Яна пачала спяваць у адзінаццаць гадоў. Праз некаторы час Георгіева паступіла ў вакальную студыю «Анёльскія галасы», дзе яе настаўнікам музыкі была Атанаска Ліпчава[2]. Яна прайшла праслухоўванне на працягу першых трох сезонаў шоу талентаў X Factor Bulgaria, але з-за ўзросту не змагла патрапіць у шоу[3].

2015: X Factor Bulgaria

[правіць | правіць зыходнік]

У верасні 2015 года пасля трох спроб Георгіева нарэшце прайшла кастынг і выступіла ў жывым эфіры шоу талентаў X Factor Bulgaria. Вікторыя ўвайшла ў жаночую каманду пад кіраўніцтвам рэпера Крыска. Яна пакінула шоу на 9-м тыдні, і ў выніку заняла шостае месца[4].

2016—2018: Дэбютны сінгл і пагадненні з буйнымі кампаніямі

[правіць | правіць зыходнік]

Нягледзячы на тое, што не атрымалася выйграць X Factor, Вікторыя атрымала прапанову далучыцца да Virginia Records, ад якой яна адмовілася. Замест гэтага ў 2016 годзе яна далучылася да Monte Music і выпусціла свой першы сінгл пад назвай «Нищо случайно» з кліпам, у якім зняліся VenZy і Нікі Бакалаў[5]. Затым яна выпусціла яшчэ дзве песні MonteMusic — «Незавършен роман» у 2016 і «Chast ot Men» у 2017. Пасля ўзаемных канфліктаў, Георгіева пакінула лэйбл у канцы 2017 года.

У 2018 годзе Георгіева правяла дзесяць дзён у Лос-Анджэлесе, штат Каліфорнія, дзе напісала і зняла сваю першую англамоўную песню «I Wanna Know», выдадзеную ў чэрвені 2019 года, з музычным відэа, зрэжысаваным Дзімітрыям Стэфанавым і спрадзюсаваным Велінай Іліевай.

2019 — цяперашні час: Еўрабачанне і міжнародны дэбют

[правіць | правіць зыходнік]

25 лістапада 2019 года стала вядома, што Вікторыя, якая цяпер выкарыстоўвае мананім VICTORIA, прадставіць Балгарыю на «Еўрабачанні-2020» у Ротэрдаме, Нідэрланды. 7 сакавіка 2020 года адбылася прэм’ера конкурснай песні «Tears Getting Sober», з якой яна павінна была выступіць 14 мая ў другім паўфінале «Еўрабачання». 18 сакавіка ЕВС абвясціў, што песенны конкурс не адбудзецца з-за пандэміі коронавіруса, але праз некалькі дзён балгарскі вяшчальнік BNT абвясціў, што Георгіева прадставіць Балгарыю на «Еўрабачанні-2021» у наступным годзе[6].

У чэрвені 2020 года спявачка выпусціла сваю новую песню пад назвай «Alright». Песня была створана ў адным з лагераў Еўрабачання і нясе пасланне надзеі і новага пачатку. Праз некалькі тыдняў, у жніўні, яна і яе каманда правялі дзесяць дзён у еўравізійным лагеры напісання песень на чарнаморскім узбярэжжы, які праходзіў у Бургасе і Прыморска, дзе ім удалося стварыць некалькі патэнцыйных песень, якімі яна магла б скарыстацца. У лістападзе яна выпусціла свой трэці сінгл «Ugly Cry», які быў такім жа паспяховым, як і два яе папярэднія.

У студзені 2021 года Георгіева абвясціла, што выпусціць свой дэбютны міні-альбом пад назвай a little dramatic (стылізаваны ўсе малыя літары) дзесьці ў лютым. У праект уваходзяць пяць патэнцыйных песень, якія маглі б прадставіць Балгарыю на «Еўрабачанні-2021»[7]. Міні-альбом не ўключае сінгл «Ugly Cry», аднак песня разглядалася як патэнцыйны варыянт для прадстаўлення Балгарыі[8]. Галоўны сінгл гэтага міні-альбома «Imaginary Friend» быў выпушчаны 14 лютага[8]. 11 сакавіка падчас папярэдне запісанага канцэрта, які трансляваўся на YouTube, было абвешчана, што песняй, з якой Вікторыя выступіць на Еўрабачанні, будзе «Growing Up Is Getting Old»[9].

Яна выступала ў другім паўфінале, з якога прайшла ў фінал 22 мая 2021 года. У выніку, спявачка атрымала 170 балаў у фінале, заняўшы 11-е месца (6-е месца паводле галасавання журы і 18-е — паводле глядацкага галасавання).

4 снежня 2021 года Георгіева перамагла ў трэцім сезоне шоу The Masked Singer Bulgaria.

Дыскаграфія

[правіць | правіць зыходнік]

Extended plays

[правіць | правіць зыходнік]
List of extended plays
Назва Падрабязнасці
A Little Dramatic
  • Released: 18 June 2021[10]
  • Label: Ligna Studios
  • Format: Digital Download, Streaming

Сінглы

[правіць | правіць зыходнік]
Спіс сінглаў
Назва Год Самая высокая пазіцыя ў чарце Альбом
BUL
[11] 		SWE
Heat.
[12]
«Нищо случайно»
(з удзелам Нікі Бакалава і VenZy) 		2016 — — Сінглы без альбома
«Незавършен роман» — —
«Chast Ot Men» 2017 — —
«Stranni Vremena» 2018 — —
«I Wanna Know» 2019 — —
«Tears Getting Sober» 2020 2 — A Little Dramatic[13]
«Alright» — —
«Ugly Cry» 3 —
«Growing Up Is Getting Old» 2021 — 16
«The Worst» — — Сінглы без альбома
«How to Ruin a Life» 2022 6 —

Прома-сінглы

[правіць | правіць зыходнік]
Спіс прома-сінглаў
Назва Год Альбом
«Imaginary Friend» 2021 A Little Dramatic
«Dive into Unknown»
«Phantom Pain»
«The Funeral Song»

Зноскі

  1. ↑ Финалисти — Виктория (балг.). novatv.bg. Архівавана з першакрыніцы 4 сакавіка 2016. Праверана 1 красавіка 2020.
  2. ↑ Виктория Георгиева сред красотата на музиката (балг.). utro.bg.
  3. ↑ Звездни изпълнения и необикновени истории при старта на X Factor (балг.). dareknews.bg.
  4. ↑ "Кои са финалистите в X Factor?". trud.bg(балг.). 21 кастрычніка 2015.
  5. ↑ И Вики от «Х Фактор» се присъедини към лейбъла на Графа
  6. ↑ Renske ten, Veen. VICTORIA is back: Bulgaria confirms participation and singer for Eurovision 2021 (англ.). wiwibloggs.com (21 сакавіка 2020). Архівавана з першакрыніцы 1 красавіка 2020. Праверана 1 красавіка 2020.
  7. ↑ You can help VICTORIA and her team choose her Eurovision 2021 entry (англ.)(недаступная спасылка). Архівавана з першакрыніцы 27 лютага 2021. Праверана 15 жніўня 2021.
  8. ↑ а б I'm proud to announce the titles of the 5 songs from my first EP 'a little dramatic'....
  9. ↑ Bulgaria: VICTORIA will sing "Growing Up Is Getting Old" at Eurovision 2021 (англ.).
  10. ↑ Surprise! So excited to announce the Deluxe Edition of 'a little dramatic' is out today. Twitter.
  11. ↑ Peak chart positions for singles in Bulgaria:
  12. ↑ Veckolista Heatseeker, vecka 21. Sverigetopplistan. Праверана 28 May 2021.
  13. ↑ «Tears Getting Sober», «Alright» і «Ugly Cry» are included on the deluxe version of A Little Dramatic.
Узята з "https://be.wikipedia.org/w/index.php?title=Вікторыя_Георгіева&oldid=4762395"