Вікторыя Чміліце-Нільсен

Вікторыя Чміліце-Нільсен
літ.: Viktorija Čmilytė Nielsen
Дэпутат Сейма Літвы[d] з 14 лістапада 2016
Дэпутат Сейма Літвы[d] 21 красавіка 2015 — 14 лістапада 2016
Нараджэнне	6 жніўня 1983(1983-08-06) (40 гадоў) Шаўляй, Шаўляйскае гарадское самакіраванне[d], Літоўская ССР, СССР
Імя пры нараджэнні	літ.: Viktorija Čmilytė
Муж	Петэр Гейне Нільсэн[d]
Партыя	Ліберальны рух[d]
Член у	SK Rockaden[d] OSG Baden-Baden[d]
Адукацыя	Дзіджварыская гімназія[d] (2000) Латвійскі ўніверсітэт (2007)
Дзейнасць	шахматыст, палітык
Узнагароды	ганаровы грамадзянін Шаўляя[d] (2011)
Медыяфайлы на Вікісховішчы

Вікторыя Чміліце-Нільсен (літ.: Viktorija Čmilytė-Nielsen; нар. 6 жніўня 1983, Шаўляй) — літоўскі палітык, дэпутатка Сейма Літвы з 21 красавіка 2015 года, старшыня сейма з 13 лістапада 2020 года.

Біяграфічныя звесткі

У 2000 годзе скончыла гімназію ў Шаўляі. Вывучала англійскую філалогію ў Шаўляйскім ўніверсітэце, у 2002—2007 гадах навучалася ў Латвійскім універсітэце ў Рызе. У 2001—2008 гадах яе мужам быў латвійскі гросмайстар Аляксей Шыраў. У 2013 годзе яна выйшла замуж другі раз, за ​​дацкага гросмайстра Петэра Гейне Нільсена.

Палітычная дзейнасць

У 2012 годзе занялася палітычнай дзейнасцю. Балатавалася ад Руху лібералаў на выбарах у Сейм Літоўскай Рэспублікі, заняўшы 12 месца сярод кандыдатаў ад партыі ў нацыянальным спісе. Яна атрымала свой мандат у якасці дэпутата ў красавіку 2015. Змяніла ў парламенце Рэмігіюса Шымашуса, абранага бурмістрам Вільні. У 2016 і 2020 гадах яна паспяхова балатавалася на парламенцкіх выбарах. У верасні 2019 года стала старшынёй Ліберальнага руху Літоўскай Рэспублікі. 9 лістапада 2020 года ад лібералаў падпісала кааліцыйнае пагадненне з Саюзам Айчыны і Партыяй свабоды. 13 лістапада на першым пасяджэнні сейма новага склікання была абраная яго старшынёй.

Спартыўная кар’ера

Навучылася гуляць у шахматы ў 6 гадоў. У 1993 годзе выйграла тытул чэмпіёнкі Еўропы сярод юніёраў да 10 гадоў, а ў 1995 годзе — чэмпіянат свету і чэмпіянат Еўропы (у катэгорыі да 12 гадоў). У 2000 годзе яна ўпершыню выйграла чэмпіянат Літвы сярод дарослых. У тым жа годзе дасягнула значных поспехаў, выйграўшы мужчынскі адкрыты чэмпіянат краіны па шахматам. У 2000—2006 гадах тройчы ўдзельнічала ў чэмпіянатах свету па шахматам. Першы раз яна прабілася ў лік шаснаццаць наймацнейшых удзельнікаў, другі раз у васьмёрку мацнейшых, а ў 2006 годзе — у паўфінал чэмпіянату свету. У 2001 годзе яна трыумфавала ў адной з груп фестывалю Corus у Вейк-ан-Зее, а ў 2003 годзе заваявала сярэбраны медаль на чэмпіянаце Еўропы. У 2007 годзе яна выйграла чэмпіянат Еўропы па хуткіх шахматах сярод жанчын і заваявала бронзавы медаль у бліцы, а ў 2008 годзе выйграла сярэбраны медаль на асабістым чэмпіянаце Еўропы. У 2010 годзе ў трэці раз у кар’еры заваявала сярэбраны медаль чэмпіянату Еўропы. У тым жа годзе яна першай у гісторыі Літвы атрымала званне гросмайстра. У 2011 годзе ў Тбілісі заваявала тытул чэмпіёнкі Еўропы. У сярэдзіне 1990-х гадоў увайшла ў асноўны склад нацыянальнай зборнай Літвы. У перыяд з 1996 па 2012 год 7 разоў удзельнічала ў шахматных алімпіядах, двойчы заваёўваючы залатыя медалі па асабістых выніках (2000, 2004). На Алімпійскім турніры 2010 года выступала за мужчынскую зборную. Таксама была чатырохразовай удзельніцай (1997, 1999, 2007, 2013) камандных чэмпіянатаў Еўропы, а таксама ўдзельнічала ў камандным чэмпіянаце Еўропы ў складзе мужчынскай зборнай (2009). Самага высокага рэйтынгу ў сваёй кар’еры яна дасягнула 1 красавіка 2015 года: з вынікам 2534 ачкі заняла 7-е месца ў сусветным спісе ФІДЭ і адначасова 1-е месца сярод літоўскіх шахматыстак.