Віталь Іванавіч Халзакоў

Віталь Іванавіч Халзакоў
Віталь Іванавіч Халзакоў
Дата нараджэння	20 кастрычніка 1924 (99 гадоў)
Месца нараджэння	Вельск, Вельскае гарадское паселішча[d], Вельскі раён, Расія;
Род дзейнасці	навуковец
Месца працы	Беларуска-Расійскі ўніверсітэт;
Навуковая ступень	кандыдат тэхнічных навук (1958)
Навуковае званне	дацэнт;
Альма-матар	Маскоўскі інстытут сталі (1949);
Узнагароды

Віталій Іванавіч Халзакоў (20 кастрычніка 1924, г. Вельск, Архангельская вобласць, РСФСР) — інжынер-металург. Кандыдат тэхнічных навук (1958), дацэнт (1963). Удзельнік Вялікай Айчыннай вайны. Рэктар Магілёўскага машынабудаўнічага інстытута (1975—1987).

Біяграфія[правіць | правіць зыходнік]

Нарадзіўся 20 кастрычніка 1924 года ў Вельску.

У кастрычніку 1942 года быў пазваны ў Чырвоную Армію, дэмабілізаваны ў красавіку 1944 года пасля цяжкага паранення.

У 1949 годзе скончыў Інстытут сталі ў Маскве па спецыяльнасці «Металургія чыгуну». Працаваў у даменавым цэху завода «Запарожсталь^[be-tarask]» (г. Запарожжа) памочнікам і майстрам змены. У 1957 годзе пасля сканчэння аспірантуры пры Інстытуце металургіі імя А. Н. Байкова АН СССР, працаваў малодшым навуковым супрацоўнікам у тым жа інстытуце. У 1958 годзе пераехаў у Чалябінск, дзе працаваў старэйшым навуковым супрацоўнікам даменавай лабараторыі.

У 1958 годзе прысуджана навуковая ступень кандыдата тэхнічных навук. У 1962 годзе абраны дацэнтам кафедры «Тэхналогіі металаў» Магілёўскага машынабудаўнічага інстытута, а ў кастрычніку 1963 года ВАК СССР прысвоіў яму навуковае званне дацэнта. Напачатку 1966 года абраны дэканам завочнага факультэта, а са студзеня 1968 года прызначаны прарэктарам па навуковай працы. З 1970 года працаваў прарэктарам па навучальнай працы.

12 мая 1975 года загадам міністра вышэйшай і сярэдняй спецыяльнай адукацыі БССР прызначаны рэктарам Магілёўскага машынабудаўнічага інстытута. На пасадзе знаходзіўся да 1987 года.

Навуковыя інтарэсы: металургічныя печы; доменная вытворчасць; арганізацыя вучэбнага працэсу і навукова-даследчай работы ў ВНУ; педагогіка вышэйшай школы.

Узнагароды[правіць | правіць зыходнік]

Заслужаны работнік вышэйшай школы Беларускай ССР (1977),
ордэн Айчыннай вайны 2-й ступені,
ордэн «Знак Пашаны»,
медаль «У азнаменаванне 100-годдзя з дня нараджэння Уладзіміра Ільіча Леніна».

Спасылкі[правіць | правіць зыходнік]