Вікенцій Рыгоравіч Стафановіч

Вікенцій Рыгоравіч Стафановіч
Дата нараджэння	16 жніўня 1804(1804-08-16)
Дата смерці	невядома
Краіна	Расійская імперыя
Месца працы	Мінскі гарадскі аркестр
Музычная дзейнасць
Прафесіі	музыкант, дырыжор

Вікенцій Рыгоравіч Стафановіч (4 (16) жніўня 1804 — ?) — беларускі музыкант, дырыжор, педагог, папулярызатар музычнай культуры. Брат Д. Р. Стафановіча.

У 1837—1862 гадах і ў 1869 годзе кіраўнік Мінскага гарадскога аркестра, пры якім арганізаваў музычную школу для сірот і дзяцей беднякоў і навучаў іх ігры на розных інструментах. Удзельнічаў у пастаноўцы аперэт «Рэкруцкі набор» (1841) і «Сялянка» («Ідылія», 1852) С. Манюшкі і К. Кжыжаноўскага на лібрэта В. Дуніна-Марцінкевіча.

Літаратура

• Мысліцелі і асветнікі Беларусі: Энцыкл. даведнік / Беларус. Энцыкл.; Гал. рэд. «Беларус. Энцыкл.»: Б. І. Сачанка (гал. рэд) і інш.; Маст. Э. Э. Жакевіч. — Мн.: БелЭн, 1995.
• Ахвердава А. І. Стафано́вічы // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 181. — 10 000 экз. — ISBN 985-11-0035-8. — ISBN 985-11-0251-2 (т. 15).