Гельвін

Гельвін
Формула	Mn4(Be3Si3O12)S
Статус IMA	grandfathered mineral (G)[d]
Фізічныя ўласцівасці
Колер	Жоўты, жоўта-буры, чырвоны, радзей зеленаваты
Колер рысы	Ад белага да жоўта-карычневага
Бляск	Шкляны
Празрыстасць	Мутна-прасвечваючы, часам празрысты
Цвёрдасць	6—6,5
Спайнасць	Недасканалая па (111)
Шчыльнасць	3,2—3,44 г/см³
Сінгонія	Кубічная
Медыяфайлы на Вікісховішчы

Гельвін (англ.: helvite, ням.: helvin) — мінерал падкласа каркасных сілікатаў з хімічнай формулай Mn₄(Be₃Si₃O₁₂)S. Апісаны нямецкім геолагам А. Г. Вернерам (A. G. Werner) ў 1817 годзе і названы ім за жоўты колер.

Гельвін — адзін з шасці самых распаўсюджаных берыліевых мінералаў, утрыманне аксіду берылію ў мінералах гэтай групы складае ад 8 да 15,5 %. Крышталічная структура падобная да структуры садаліту, крышталізуецца ў кубічнай сінгоніі. Утварае крышталі жоўтага колеру розных адценняў, можа быць зялёным, чырвоным, шаравата-жоўтым, жаўтавата-зялёным. Цвёрдасць 6—6,5 (5—5,5) па шкале Моаса. Шчыльнасць 3,2—3,44 г/см³.

Каштоўная руда на берылій. Вядомы радовішчы і праяўленні гельміну ў Германіі, Расіі, Нарвегіі, Казахстане, ЗША, Фінляндыі, Швецыі, Японіі.

Літаратура

• Мала гірнича енциклопедія. В 3-х т. / За ред. В. С. Білецького. — Донецьк: Донбас, 2004. — ISBN 966-7804-14-3.

Спасылкі

• Гельвин // Кристаллов.net (руск.)
• Гельвин // КаталогМинералов.Ru (руск.)
• На Вікісховішчы ёсць медыяфайлы па тэме Гельвін