Фларэнційскае герцагства

З пляцоўкі Вікіпедыя
(Пасля перасылкі з Герцагства Фларэнцыя)
Jump to navigation Jump to search
Фларэнційскае герцагства
італ.: Ducato di Firenze

манархія
Flag of Florence.svg
1532 — 1569


State flag simple of the Grand Duchy of Tuscany.svg
Medici Flag of Tuscany.png Stemma dei Medici.png


Сцяг Герб
DuchyofFlorence1548.png
Фларэнційскае герцагства ў 1548 годзе
Сталіца Фларэнцыя
Найбуйнейшыя гарады Фларэнцыя
Мова(ы) Лацінская мова,
Тасканскі дыялект італьянскай
Рэлігія Рымска-каталіцкая царква
Грашовая адзінка Флорын
Форма кіравання Манархія
герцаг Фларэнційскі
 - 1532-1537 Алесандра Медычы
 - 1537-1569 Козіма I

Шаблон:Дзяржавы Тасканы

Фларэнційскае герцагства (італ.: Ducato di Firenze) — сярэднявечная дзяржава, якая існавала ў Італіі з 1532 па 1569 гады.

Пасля таго, як Фларэнцыя ў 1530 годзе была ўзята імперскімі войскамі падчас вайны Каньякскай лігі, імператар Карл V ліквідаваў там рэспубліканскую форму кіравання і зрабіў Медычы спадчыннымі кіраўнікамі Фларэнцыі. Новым кіраўніком Фларэнцыі стаў Алесандра Медычы, які ў 1532 годзе атрымаў ад імператара тытул «герцага Фларэнційскага».

Алесандра апынуўся настолькі дрэнным кіраўніком, што ўжо ў 1535 годзе да Карла V прыбыла дэлегацыя знатных фларэнційцаў з просьбай пазбавіць таго герцагскага тытула. Пасля таго, як Карл V адмовіўся гэта зрабіць, Алесандра ў 1537 годзе быў забіты сваім далёкім сваяком. З прычыны таго, што афіцыйных спадчыннікаў у яго не было, то новым герцагам Фларэнцыі стаў прадстаўнік бакавой лініі Медычы — Козіма I.

Даведаўшыся пра смерць Алесандра, прадстаўнікі сям'і Строці, якія таксама даводзіліся яму сваякамі, паспрабавалі прыбыць з войскамі і захапіць уладу, але Козіма адправіў ім напярэймы сілы на чале з Алесандра Вітэлі, які разбіў прэтэндэнтаў каля крэпасці Мантэмурла. Імператар Карл V прызнаў Козіма герцагам Фларэнційскім у абмен на дапамогу ў чарговай Італьянскай вайне. Гэта дапамога дазволіла дамагчыся вываду з Фларэнцыі імперскага гарнізона і атрымаць столькі незалежнасці, колькі было магчыма ва ўмовах іспанскага панавання ў Італіі.

У 1548 годзе Козіма набыў у Генуэзскай рэспублікі востраў Эльба, дзе стаў базіравацца новаствораны фларэнційскі флот.

Падчас апошняй з Італьянскіх войнаў Фларэнційскае герцагства выступіла на боку Свяшчэннай Рымскай імперыі супраць Францыі і Сіенскай рэспублікі і, разбіўшы ў 1554 годзе сіенцаў у бітве пры Марчыяна, па выніках вайны далучыла да сябе тэрыторыю Сіены.

У 1569 годзе Папа Пій V зрабіў Козіма «вялікім герцагам Тасканскім».

Крыніцы[правіць | правіць зыходнік]

  • Стратерн П. Медичи : Крестные отцы Ренессанса. — М.: Издательство АСТ, 2010. — ISBN 978-5-17-066799-4.

Спасылкі[правіць | правіць зыходнік]