Гомельскі вагонарамонтны завод

Гомельскі вагонарамонтны завод
Гомельскі вагонарамонтны завод
Заснаванне	1874
Размяшчэнне	Беларусь;
Сайт	vrz.gomel.by

Гомельскі вагонабудаўнічы завод — прадпрыемства па рамонце пасажырскіх вагонаў, размешчанае ў Гомелі, Беларусь. Уваходзіць у склад Беларускай чыгункі.

Гісторыя[правіць | правіць зыходнік]

Заснаваны ў 1874 годзе як паравозавагонарамонтныя майстэрні Лібава-Роменскай чыгункі. У 1929 годзе на базе майстэрняў створаны паравозавагонарамонтны завод. Назва Гомельскі вагонарамонтны завод з 1945 года.

Падчас Вялікай Айчыннай вайны абсталяванне завода было эвакуявана ва Уфу.

У 1945 годзе ў Гомелі аднаўляецца рамонт пасажырскіх вагонаў і выпуск запасных частак. З 1959 года завод перайшоў на рамонт суцэльнаметалічных пасажырскіх вагонаў.

У 1948—1957 гадах завяршаецца поўнае аднаўленне прадпрыемства, адбываецца нарошчванне вытворчых магутнасцяў. Прымаецца рашэнне аб спецыялізацыі завода на рамонце суцэльнаметалічных вагонаў (СМВ). Асвойваецца рамонт СМВ багажных, паштовых, купэйных.

У 1961—1967 гадах ствараецца аддзяленне па пакрыцці паверхняў дэталяў вагонаў. У 1964 годзе ўводзіцца цэх па разборцы вагонаў і камплектаванню дэталяў і вузлоў, ацяпленне завода перакладаецца з паравога на вадзяное. У 1977 годзе арганізаваны самастойны інструментальна-метызны цэх. Неўзабаве здаецца ў эксплуатацыю новы будынак транспартнага цэха. У 1980—1991 гадах укараняюцца сеткавыя графікі рамонту вагонаў, уводзяцца прагрэсіўныя тэхналагічныя працэсы, асвойваецца выпуск нехарчовых тавараў народнага спажывання (ТНС).

У 1991—1999 гадах праводзіцца ўкараненне мерапрыемстваў па ўдасканаленні вытворчасці ў рынкавых умовах, асвойваецца выпуск новых ТНС. У 2000—2012 гадах завод прыступіў да будаўніцтва пасажырскіх вагонаў сумесна з ААТ «Крукоўскі вагонабудаўнічы завод». Улічваючы спецыфіку вытворчасці, пераход ад рамонту вагонаў да іх вырабу, у лістападзе 2011 года завод рэарганізаваны ў закрытае акцыянернае таварыства «Гомельскі вагонабудаўнічы завод».

Прадукцыя[правіць | правіць зыходнік]

Гомельскі ВРЗ вырабляе асноўны рамонт вагонаў у аб’ёме дэпоўскага, заводскага, капітальнага, капітальна-аднаўленчага.

Ажыццяўляе рамонт больш за 150 тыпаў вагонаў рознага прызначэння, уключаючы 2-восевыя і 4-восевыя вагоны.

Гомельскі вагонарамонтны завод адзіны ў Рэспубліцы Беларусь, які вырабляе выпуск чыгуннай тармазной калодкі для пасажырскіх, грузавых вагонаў і для матор-вагоннага рухомага саставу.