Дом-камуна (Гомель)

З пляцоўкі Вікіпедыя
Jump to navigation Jump to search
Славутасць
Дом-камуна
Gomel. Lenin Avenue. House of the Commune.jpeg
52°25′48″ пн. ш. 30°59′48″ у. д.HGЯO
Краіна
Месцазнаходжанне
Тып будынка Дом-камуна
Архітэктурны стыль канструктывізм[d]
Архітэктар Станіслаў Данілавіч Шабунеўскі
Будаўніцтва 19291931 гады
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 312Г000049шыфр 312Г000049
Commons-logo.svg Дом-камуна на Вікісховішчы

Дом-камуна — будынак у Гомелі, пабудаваны ў 1929—1931 гадах паводле праекта Станіслава Шабунеўскага, помнік архітэктуры канстрыктывізму. Месціцца па адрасе пр-т. Леніна, 51.

Гісторыя[правіць | правіць зыходнік]

Пабудаваны ў 1929—1931 гадах паводле праекта архітэктара Станіслава Шабунеўскага як жылы дом для рабочых паравозавагонарамонтнага завода. Дамы такога тыпу ў 1928—1929 гадах з’явіліся ў многіх гарадах СССР. Гэта былі першыя спробы стварэння дамоў-комплексаў з рознымі памяшканнямі грамадска-бытавога абслугоўвання. Акрамя Гомеля, у БССР такі дом у 1930—1935 гадах быў пабудаваны ў Бабруйску.

У гады Другой сусветнай вайны будынак быў пашкоджаны. У пасляваенныя гады быў толькі разабраны парапет, які павінен быў імітаваць плоскі дах, у свой час запраектаваны, але не выкананы прах тэхнічную непадрыхтаванасць будаўніцтва.

Архітэктура[правіць | правіць зыходнік]

Вугал Дома-камуны, 2021 г.

Мае ў плане форму выцягнутай літары П і займае даўжыню квартала. Вонкавы выгляд будынка характэрны для архітэктуры таго перыяду. Асаблівая выразнасць аб’ёмна-прасторавай кампазіцыі дасягнута спалучэннямі вертыкальных сяміпавярховых аб’ёмаў, што фланкіруюць цэнтральны шасціпавярховы аб’ём з бакавымі крыламі.

Сістэма памяшканняў культурна-бытавога абслугоўвання запраектаваных будынкаў не ўлічвала многіх патрэб жыхароў дома. Не ўсё з запраектаванага было выканана, асобныя памяшканні выкарыстоўваліся па іншым прызначэнні. Пасля некалькіх перабудоў гомельскі дом-камуна быў рэканструяваны пад інтэрнат калідорнага тыпу, на першым паверсе прадугледжваліся памяшканні грамадскага прызначэння — вестыбюль, сталовая, дзіцячая дашкольная ўстанова, пакоі для гурткоў, бібліятэка. Пасля перабудовы 1990—2000-х гадоў на першым паверсе дома месцяцца гандлёвыя памяшканні, на верхніх — кватэры[1].

Галерэя[правіць | правіць зыходнік]

Зноскі

  1. Руслан Пролесковский Некоторые жильцы элитного Дома Коммуны оказались безработными и малоимущими(руск.) . tut.by (web.archive.org) (22 жніўня 2013).

Літаратура[правіць | правіць зыходнік]

Спасылкі[правіць | правіць зыходнік]