Грабаўскае падняцце
Appearance
Грабаўскае падняцце (ад назвы вёскі Грабаў у Петрыкаўскім раёне) — тэктанічная структура ў Петрыкаўскім раёне Гомельскай вобласці, на захадзе Капаткевіцкай зоны падняццў Прыпяцкага прагіну. Выяўлена ў 1972 годзе сейсмаразведкай па міжсалявых і падсалявых дэвонскіх адкладах.
Выдзяляецца па паверхні фундамента, падсалявых і міжсалявых дэвонскіх адкладах у выглядзе манаклінальнага блока, які ўздымаецца ў паўднёва-заходнім напрамку пад вуглом 6—8º і абмежаваны на захадзе і поўдні Паўднёва-Жыткавіцкім і Капаткевіцкім разломамі, а на ўсходзе аддзелены ад Кузьмічоўскага блока малаамплітудным разрывам. Памеры 6×3 км. Сфарміравалася ў познім дэвоне (лебядзянскі час) — карбоне.
Літаратура[правіць | правіць зыходнік]
- Грабаўскае падняцце // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.