Грэта Тунберг
| Грэта Тунберг | |
|---|---|
| шведск.: Greta Thunberg | |
_(cropped).jpg) | |
| Імя пры нараджэнні | шведск.: Greta Tintin Eleonora Ernman Thunberg |
| Род дзейнасці | абаронца навакольнага асяроддзя |
| Дата нараджэння | 3 студзеня 2003[1][2][3] (17 гадоў) |
| Месца нараджэння | |
| Бацька | Svante Thunberg[d][4] |
| Маці | Malena Ernman[d][5][6] |
| Узнагароды і прэміі | |
 Грэта Тунберг на Вікісховішчы | |
Грэта Цінцін Элеанора Эрнман Тунберг (шведск.: Greta Tintin Eleonora Ernman Thunberg; нар. 3 студзеня 2003) — шведская школьніца, экалагічны актывіст. У 15 гадоў пачала пратэставаць каля шведскага парламента з плакатам «Школьная забастоўка за клімат», заклікаючы да хуткіх дзеянняў па барацьбе са зменай клімату ў адпаведнасці з Парыжскім пагадненнем. Яе дзеянні знайшлі водгук па ўсім свеце, спарадзіўшы шматлікія масавыя мерапрыемствы, вядомыя як «школьныя забастоўкі за клімат», або «пятніцы за будучыню».
Біяграфія[правіць | правіць зыходнік]
Нарадзілася 3 студзеня 2003 года ў Стакгольме. Маці Малена Эрнман — шведская оперная спявачка, бацька — акцёр Свантэ Тунберг.
Па словах Грэты, у 11 год яна перажыла дэпрэсію, а пазней ёй быў пастаўлены дыягназ сіндром Аспергера, абсесіўна-кампульсіўны разлад[7].
На канфэрэнцыі TEDx у лістападзе 2018 года Грэта сказала, што ўпершыню пачула пра змены клімату ў 8 год, але не магла зразумець, чаму ніхто не спрабуе штосьці з гэтым рабіць[8].
Школьніца Грэта Тунберг стала вядомая тым, што натхніла людзей па ўсім свеце на «школьныя забастоўкі», ідэя якіх у тым, што па пятніцах замест урокаў школьнікі выходзяць на вуліцы, імкнучыся прыцягнуць увагу палітыкаў і грамадскасці да праблемы клімату.
У верасні 2019 года шведка выступіла на саміце па клімаце ў ААН. У сваёй прамове яна абвінаваціла палітыкаў у тым, што яны пазбавілі яе пакаленне дзяцінства, так як перадалі ім усе назапашаныя ў чалавецтва праблемы, звязаныя са зменамі клімату, і пераклалі на іх плечы іх рашэнне[9][10]. У сваю чаргу крытыкі кліматычнага руху сумняваюцца ў кампетэнтнасці 16-гадовага дзіцяці без развітога крытычнага мыслення публічна судзіць пра такія складаныя пытанні, як кліматычныя змены[11].
Слоўнік Колінза англійскай мовы назваў climate strike («кліматычная забастоўка») словазлучэннем 2019 года[12]. 16-гадовая шведская актывістка Грэта Тунбер стала «Чалавекам года» па версіі амерыканскага часопіса Time.
Зноскі
- ↑ 1,0 1,1 Lobbe A. À 15 ans, elle remet les dirigeants mondiaux à leur place! — 2018. Праверана 3 красавіка 2019.
- ↑ 2,0 2,1 Greta Thunberg // Munzinger-Archiv — 1913. Праверана 9 кастрычніка 2017.
- ↑ Greta Thunberg // Den Store Danske Encyklopædi Праверана 7 чэрвеня 2020.
- ↑ Greta Thunberg Праверана 3 красавіка 2019.
- ↑ Gretas hälsa blev starten för Ernmans klimatkamp — Stockholm: Schibsted, 1884. — 185600 экз. — ISSN 1101-2412 Праверана 2 верасня 2018.
- ↑ Dagens Nyheter / пад рэд. P. Wolodarski, G. Herlitz, T. Larsson — Bonnierkoncernen, 1864. — ISSN 1101-2447 Праверана 2 верасня 2018.
- ↑ Greta Thunberg: ‘All my life I’ve been the invisible girl' (англ.) . Часопіс Financial Times.
- ↑ School strike for climate - save the world by changing the rules (англ.) . TEDxStockholm.
- ↑ zviazda.by
- ↑ lenta.ru
- ↑ nashaniva.by
- ↑ nashaniva.by