Малена Эрнман

З пляцоўкі Вікіпедыя
Jump to navigation Jump to search
Малена Эрнман
Malena Ernman
Malena Ernman April 2012.png
Асноўная інфармацыя
Дата нараджэння 4 лістапада 1970(1970-11-04)[1] (51 год)
Месца нараджэння
Краіна
Муж Svante Thunberg[d]
Дзеці Грэта Тунберг і Beata Ernman[d]
Альма-матар
Музычная дзейнасць
Прафесіі актрыса, оперная спявачка, музыкант, выканаўца, аўтар, musical theatre actor, студыйны музыкант
Пеўчы голас сапрана і мецца-сапрана
Інструменты голас[d]
Жанры опера, джаз, кабаре
Грамадская дзейнасць
Член у
Узнагароды
Litteris et Artibus
http://www.malenaernman.com
Commons-logo.svg Выявы на Вікісховішчы

Малена Эрнман (шведск.: Malena Ernman; нар. 4 лістапада 1970, Упсала, камуна Упсала, лен Упсала, Швецыя) — шведская оперная спявачка (каларатурнае меца-сапрана). Членам Шведскай каралеўскай музычнай акадэміі. Прадстаўніца Швецыі на Еўрабачанні 2009.

Маці экаактывісткі Греты Тунберг, якая пераканала яе адмовіцца ад міжнароднай опернай кар’еры з-за ўздзеяння авіяцыі на навакольнае асяродзе.[3]

Біяграфія[правіць | правіць зыходнік]

Малена Эрнман на канцэрце нацыянальнага дня Швецыі чэрвень 2016 года

Раннія гады[правіць | правіць зыходнік]

Малена правяла дзяцінства і школьныя гады ў маленькім гарадку Сандвікене ў Швецыі. Эрнман вучылася ў Каралеўскай музычнай акадэміі ў Стакгольме, у музычнай кансерваторыі ў Арлеане ў Францыі і ў школе Каралеўскай шведскай оперы. З шасці гадоў Малена пачала спяваць у хоры Coromanterna ў родным горадзе Сандвікене і ўвабрала традыцыі шведскага харавога выканальніцтва. Затым, ужо будучы студэнткай, была ўдзельніцай хору Шведскага радыё пад кіраўніцтвам славутага дырыжора Эрыка Эрыксана.

Опера[правіць | правіць зыходнік]

Дэбют Малены у Швецыі адбыўся пасля заканчэння опернай школы ў 1998, у ролі Кая ў оперы «Sven David Sandströms» і ў ролі Разіны ў «Севільскам цырульніке» Джаакіна Расіні ў Шведскай каралеўскай оперы, дзе яна пазней таксама спявала галоўныя партыі ў операх «Кармэн» і «Папялушка».

У гэты ж час, Малена выканала шэраг роляў у Берлінскай оперы (Керубіна ў «Вяселлі Фігара», Разіна ў «Севільскам цырульнікеСевільскам цырульніке» і Раберта ў «Грызельдзе» Скарлаці).

Яе міжнародны дэбют адбыўся ў 1999 годзе ў ролі Нерона ў оперы «Агрыпіна» Гендэля ў тэатры Ла Монне ў Брусэлі і Тэатры Елісейскіх палёў у Парыжы. Малена Эрнман прыняла ўдзел у фестывалі Glyndebourne Festival (Нэнсі ў «Альберт Херынг» і Арлоўскі ў «Кажаны»).

У 2004 годзе яна выканала партыю Донны Эльвіры ў оперы «Дон Жуан» Моцарта ў тэатры Ла Манэ ў Брусэлі. І на фестывалях d’aix en Provence, Wiener Festwochen.

У 2005 годзе яна выканала галоўную ролю на сусветнай прэм’еры оперы «Джулі» ў тэатры Ла Манэ ў Брусэлі, а таксама на фестывалях Wiener Festwochen і d’aix en Provence.

2006 годзе яна выканала партыю Нерона ў оперы «Каранацыя Папеі» ў Берліне і ў тэатры Ла Манэ ў Брусэлі. У тым жа годзе на фестывалі ў Вене яна дэбютавала ў ролі Дыдоны ў оперы «Дыдона і Энэй» Генры Пёрсэла, а затым Аніа ў оперы «Міласэрнасць Ціта» на Зальцбургскім фестывалі.

У 2007 годзе яна спявала Сеста ў оперы «Юлій Цэзар» Гендэля ў Вене, Керубіна ў «Вяселлі Фігара» Моцарта ў d’aix en Provence і Нерона ў «Каранацыі Папеі» у Оперным тэатры Амстэрдама.

У 2008 годзе Малена Эрнман вярнулася ў Каралеўскую оперу ў Стакгольме, дзе выканала галоўную партыю ў оперы Джаакіна Расіні «Папялушка». Восенню яна зноў праспявала загалоўную партыю ў оперы «Дыдона і Энэй» у Опера-Комік ў Парыжы.

У 2009 годзе яна праспявала Анджэліну ў «Папялушцы» ў оперы Франкфурта і ў канцы красавіка яна спявала гэтую ж ролю ў Каралеўскай оперы ў Стакгольме.

У сакавіку 2010 яна дэбютавала ў ролі Ідаманта ў оперы Моцарта «Ідаменей» у Ла Манэ ў Брусэлі. Яна спявала шматлікія канцэрты ў Скандынавіі і Германіі, у тым ліку адзін у Sthlm Globe Arena з Андрэа Бачэлі.

Канцэрты[правіць | правіць зыходнік]

У 20012002 выступала з канцэртамі ў Токіа (выконвала Bach’s St. John Passion in Notre Dame de Paris, Рэквіем Моцарта), у 20042005 спявала ў Wigmore Hall (невялікая канцэртная зала камернай музыкі ў Лондане).

Малена выступала ў Токіа, Берліне, Мадрыдзе, Рыме, Парыжы, Лос-Анджэлесе са шматлікімі вядомымі дырыжорамі, такімі, як Марк Мінкоўскі, Даніэль Барэнбойм, Эса-Пека Салонен, Нікалаусам Арнонкур, Філіп Херэвеге, Рэнэ Якабс, Сайман Рэтл.

Melodifestivalen і Еўрабачанне[правіць | правіць зыходнік]

14 сакавіка ў Стакгольме ў фінале конкурсу Melodifestivalen была названая пераможцам з вынікам 182 балы (адрыў ад Каралін аф Угглас склаў 11 балаў) і стала прадстаўніком Швецыі на Еўрабачанні 2009. Яна, выступіўшы ў першым паўфінале з кампазіцыяй «La Voix» і заняўшы 4 месца, прайшла ў фінал конкурсу, дзе заняла 21 месца з 33 баламі.

Сям’я[правіць | правіць зыходнік]

Малена выйшла замуж за акцёра Свантэ Тунберга. У іх ёсць дзве дачкі: Грэта і Беата. Бацькі Малены — Ларс і Ева Эрнман.

Дыскаграфія[правіць | правіць зыходнік]

  • 2000: Naïve (KMH)
  • 2001: Cabaret Songs (BIS)
  • 2003: Songs in Season (Nytorp Musik)
  • 2003: My Love (BIS)
  • 2009: La Voix du Nord
  • 2010: Santa Lucia — En klassisk jul (Калядны альбом)
  • 2011: Opera di Fiori (Roxy Recordings/Universal)
  • 2013: I decembertid
  • 2014: SDS
  • 2016: Sverige

Зборнікі[правіць | правіць зыходнік]

  • Songs in Season (Nytorp Musik)
  • Nachtgesänge (Col legno)

Сінглы[правіць | правіць зыходнік]

  • 2009: La voix
  • 2010: Min plats på jorden

Узнагароды[правіць | правіць зыходнік]

  • Litteris et Artibus (2011)

Заўвагі[правіць | правіць зыходнік]

  1. Malena Ernman // Discogs — 2000. Праверана 9 кастрычніка 2017.
  2. 2,0 2,1 2,2 (unspecified title) Праверана 13 верасня 2021.
  3. Crouch, David. «The Swedish 15-year-old who’s cutting class to fight the climate crisis». The Guardian, 1 сентября 2018

Спасылкі[правіць | правіць зыходнік]