Гістарычныя правінцыі Фінляндыі

З пляцоўкі Вікіпедыя
Jump to navigation Jump to search
Гістарычныя вобласці Фінляндыі ў сучасных межах постаці (межы сучасных абласцей акрэслены жоўтым колерам)

Гістарычныя вобласці, або гістарычныя правінцыі Фінляндыі (фінск.: historialliset maakunnat, у адзіночным ліку historiallinen maakunta, шведск.: historiska landskap) — спадчына перыяду, калі Фінляндыя была часткай Швецыі. Гістарычныя правінцыі існавалі да 1634 года, калі яны былі заменены новымі адміністрацыйна-тэрытарыяльнымі адзінкамі — ленамі (губернямі, ляні). Падзел на 12 ляні захоўваўся да рэформы 1997 года, калі было ўтворана 6 новых, буйнейшых губерняў. Сучасны адміністрацыйны падзел краіны, уведзены 1 студзеня 2011 года, уключае 19 абласцей, ці рэгіёнаў (фінск.: maakunta, шведск.: landskap). Гістарычныя вобласці захоўваюцца як традыцыйныя тэрытарыяльныя адзінкі, але не маюць ніякіх адміністрацыйных функцый. Іх межам прыблізна адпавядае распаўсюджанне дыялектаў фінскай мовы.

Гістарычныя вобласці Фінляндыі

Спіс гістарычных абласцей[правіць | правіць зыходнік]

(Назва ў круглых дужках — спачатку на фінскай мове, затым на шведскай).

  1. Varsinais-Suomen.vaakuna.svg Уласна Фінляндыя[fi][1] (Varsinais-Suomi, Egentliga Finland).
  2. Lapin maakunnan vaakuna.svg Лапі / Лапландыя (Lappi, Lappland)
  3. Karjalan historiallisen maakunnan vaakuna.svg Карэлія (Karjala, Karelen)
  4. Ostrobothnia coat of arms.svg Пох'янма / Астработнія (Pohjanmaa, Österbotten)
  5. Satakunta.vaakuna.svg Сатакунта (Satakunta, Satakunda)
  6. Savo.vaakuna.svg Сава / Савонія (Savo, Savolax)
  7. Häme.vaakuna.svg Хямэ / Тавастыя (Häme, Tavastland)
  8. Uudenmaan historiallisen maakunnan vaakuna.svg Уўсіма / Нюланд (Uusimaa, Nyland)
  9. Coat of arms of Åland.svg Аландскія астравы (Ahvenanmaa, Åland)

Геральдыка[правіць | правіць зыходнік]

Упершыню гербы правінцый былі прадэманстраваны ўсё разам на пахаваннях караля Густава I у 1560 годзе, у тым ліку некаторыя былі спецыяльна створаны для гэтай падзеі. Пасля аддзялення Фінляндыі ад Швецыі ў 1809 годзе геральдычныя традыцыі некалькі змяніліся — на гербах гістарычных правінцый з'явіліся кароны, тады як на гербах ленаў яны адсутнічалі. Падзел Лапландыі таксама патрабавала ўвядзення адрозненняў паміж фінскім і шведскім гербамі.

Гл. таксама[правіць | правіць зыходнік]

Зноскі

  1. Беларуская назва гістарычнай вобласці — паводле наступнага выдання:
    Мейнандер Х. История Финляндии = Finlands historia: Linjer, strukturer, vändpunkter, Söderströms / Пер. с швед. З. Линден — М.: Издательство «Весь Мир», 2008. — С. 30. — 248 с. — (Национальная история). — 3000 экз. — ISBN 978-5-7777-0429-0.

Спасылкі[правіць | правіць зыходнік]