Гісторыя цацак (серыя фільмаў)

З пляцоўкі Вікіпедыя
Jump to navigation Jump to search
Гісторыя цацак
Toy Story
Toy Story logo.png
Лагатып серыі.
Тып мультфільма Камп'ютарная анімацыя
Жанр Камедыя
Рэжысёр Джон Ласетэр
Лі Анкрыч
Эш Брэнан(англ.) бел.
Прадзюсар Ральф Гугенхайм
Боні Арнольд
Элен Плоткін
Карэн Роберт Джэксан
Дарла Андэрсан(англ.) бел.
Аўтар сцэнарыя Джос Уідан
Эндру Стэнтан
Джоэль Коэн(англ.) бел.
Майкл Арнт(англ.) бел.
Крыс Уэб
Дуг Чэмберлейн
Алек Сокалаў
Рыта Сяа
Ролі агучвалі Том Хэнкс
Цім Ален
Дон Рыклес
Джаан К'юсак
Эні Потс
Лі Эрмей
Лоры Меткалф
Кампазітар Рэндзі Ньюман
Марк Мотэрсба(англ.) бел.
Генры Прайс Джэкман
Студыя Pixar, Walt Disney Pictures
Краіна Flag of the United States.svg ЗША
Працягласць 276 хвілін
Прэм'ера 1: 22 лістапада 1995
2: 24 лістапада 1999
3: 18 чэрвеня 2010
Бюджэт $320 млн.
Зборы $1,948,095,207

«Гісторыя цацак» (англ.: Toy Story, МФА: [tɔɪ ˈstɔːɹi]) — серыя поўнаметражных анімацыйных фільмаў, створаных з выкарыстаннем CGI-графікі. Ідэя мультфільмаў належыць студыі Pixar, дыстрыб'ютарам выступіла Walt Disney Pictures. Паводле сюжэту серыі, цацкі — адушаўлёныя істоты, якія хаваюць ад людзей сваё поўную прыгод жыццё. Рэжысёрам першых двух фільмаў стаў Джон Ласетэр, стварэннем трэцяй часткі кіраваў Лі Анкрыч. На 2012 год франшыза складаецца з трох анімацыйных фільмаў; на іх аснове было выпушчана некалькі спін-офаў і відэагульняў.

Серыя атрымала станоўчыя водгукі крытыкаў. «Гісторыя цацак» была адзначана за тэхнічныя інавацыі ў анімацыі і дасціпны сцэнарый[1][2]. У наш час гэта адзін з самых найвялікшых і рэвалюцыйных фільмаў у гісторыі анімацыі[3][4][5][6][7][8][9]. «Гісторыя цацак 2» таксама атрымала станоўчыя водгукі крытыкаў, якія адзначылі «ашаламляльную анімацыю, якая імгненна робіць фільм класікай». «Гісторыя цацак: Вялікія ўцёкі» набыла ўсеагульнае прызнанне крытыкаў, якія назвалі яе «лепшым анімацыйным фільмам».

Анімацыйныя фільмы серыі «Гісторыя цацак» атрымалі мноства ўзнагарод і намінацый, сярод якіх «Оскар», «Эні», «Залаты глобус», «Грэмі», BAFTA і Kids’ Choice Awards.

Серыя фільмаў[правіць | правіць зыходнік]

Фільм Рэжысёр Сцэнарыст(ы) Прадзюсар(ы)
Гісторыя цацак (1995) Джон Ласетэр Джос Уідан, Эндру Стэнтан, Джоэль Коэн, Алек Сокалаў Ральф Гугенхайм, Боні Арнальд
Гісторыя цацак 2 (1999) Эндру Стэнтан, Крыс Уэб Элен Плоткін, Карэн Роберт Джэксан
Гісторыя цацак: Вялікія ўцёкі (2010) Лі Анкрыч Майкл Арнт Дарла Андэрсан

Гісторыя цацак (1995)[правіць | правіць зыходнік]

Прэм'ера першага фільма серыі адбылася 22 лістапада 1995 года[10] ў Галівудзе, Каліфорнія. Таксама «Гісторыя цацак» была паказана па-за конкурсам на Берлінскім кінафестывалі ў 1996 годзе. Гэта быў першы поўнаметражны мультфільм, створаны з дапамогай CGI-графікі. Па сюжэце, хлопчыку Эндзі на дзень нараджэння падарылі новую цацку — касманаўта База Лайтэра, які лічыць сябе сапраўдным касманаўтам. Вудзі, цацка-каўбой, прыраўнаваў новага сябра хлопчыка і выкінуў Лайтэра з акна. Пазней, раскаяўшыся ў сваіх дзеяннях, Вудзі вырашыў выратаваць База, які патрапіў у рукі суседа Эндзі, Сіда Філіпса, які забаўляўся разломліваннем цацак. Акрамя таго, Баз выпадкова даведаўся, што ён «усяго толькі цацка», і запаў у дэпрэсію. Вудзі ўдаецца выцягнуць База з дэпрэсіі, разам яны збягаюць ад Сіда і вяртаюцца да Эндзі. Мультфільм стаў фінансава паспяховым, сабраўшы ў сусветным пракаце больш 360 мільёнаў долараў[10][11]. Поспех «Гісторыі цацак», які акупіў выдаткі на вытворчасць у першы ж уік-энд, спрыяў хуткаму ўзняццю коштаў на акцыі студыі Pixar, з 22 да 49 долараў за штуку, што прынесла кампаніі 1,2 мільярда долараў[12].

Гісторыя цацак 2 (1999)[правіць | правіць зыходнік]

«Гісторыя цацак 2», другая частка франшызы, выйшла ў пракат 24 лістапада 1999 года[13]. Першапачаткова мультфільм не быў прызначаны для паказу ў кінатэатрах, бо гэта быў усяго толькі 60-хвілінны сіквел першай часткі для прамога распаўсюджвання на відэа[14]. Аднак кіраўніцтва Walt Disney Pictures прыняло рашэнне дапрацаваць першапачатковую версію «Гісторыі цацак 2» да паўнавартаснай карціны. Па сюжэце Вудзі апыняецца даволі каштоўнай цацкай, і яго выкрадае дасведчаны ў гэтым чалавек, які збіраецца прадаць Вудзі калекцыянеру ў Японіі. Баз і некалькі іншых цацак адпраўляюцца на дапамогу Вудзі. Разам з ім яны ратуюць дзве іншыя цацкі, якія ў свой час пастаўляліся разам з Вудзі. У сусветным пракаце па касавых зборах другая частка перасягнула свайго папярэдніка, зарабіўшы 480 мільёнаў[15]. У кастрычніку 2009 года першыя дзве часткі серыі выйшлі ў фармаце 3D[16].

Гісторыя цацак: Вялікія ўцёкі (2010)[правіць | правіць зыходнік]

Трэцяя частка серыі выйшла ў пракат праз адзінаццаць гадоў, 18 чэрвеня 2010 года[17]. Замест Джона Ласетэра рэжысёрам стаў Лі Анкрич, які з'яўляўся выканаўчым прадзюсарам першых двух мультфільмаў. Па сюжэце, Эндзі вырас і з'ехаў у каледж, а яго цацкі выпадкова патрапілі ў дзіцячы сад. Высвятлілася, што дзеці ў гэтым садзе падзяляюцца на дзве групы: тыя, што добра абыходзяцца з цацкамі, і тыя, што абыходзяцца дрэнна. Таксама яны сутыкнуліся з групоўкай цацак, якія спрабавалі рабіць так, каб з імі гулялі толькі добрыя дзеці, а дрэнныя б гулялі з усімі іншымі цацкамі. Цацкі Эндзі вырашаюцца бегчы; у выніку ім удаецца зрынуць лідара групоўкі, застацца ў дзіцячым садзе і знайсці баланс паміж гульнямі з добрымі і дрэннымі дзецьмі. У жніўні 2010 года, праз два месяцы пасля выхаду ў пракат, зборы мультфільма перавысілі даход «Шрэка 2», зрабіўшы яго самым касавым праектам студыі Pixar. Станам на 2012 год, «Гісторыя цацак: Вялікія ўцёкі» з'яўляецца самым касавым мультфільмам у гісторыі кінематографа[18].

Зноскі[правіць | правіць зыходнік]

  1. Toy Story Reviews. Metacritic. Архівавана з першакрыніцы 22 мая 2012. Праверана 11 сакавіка 2009.
  2. Toy Story (1995). Rotten Tomatoes. Праверана 11 сакавіка 2009.
  3. Top 25 Animated Movies of All-Time – Movies Feature at IGN. Movies.ign.com (11 чэрвеня 2011). Архівавана з першакрыніцы 22 мая 2012. Праверана 8 ліпеня 2011.
  4. Posted Jun 2 2008 4:25 pm Best Animated Movies (5–1) – The Moviefone Blog. Blog.moviefone.com (2 чэрвеня 2008). Архівавана з першакрыніцы 22 мая 2012. Праверана 8 ліпеня 2011.
  5. Best Animated Films – Toy Story. Rotten Tomatoes. Праверана 8 ліпеня 2011.
  6. 10 Top 10. AFI. Архівавана з першакрыніцы 22 мая 2012. Праверана 8 ліпеня 2011.
  7. Time Out’s Top 50 Animated Movies of All Time Curated by Terry Gilliam | /Film. Slashfilm.com (7 кастрычніка 2009). Архівавана з першакрыніцы 22 мая 2012. Праверана 8 ліпеня 2011.
  8. The Movie Blog’s 10 Best Animated Films Of All Time. The Movie Blog. Архівавана з першакрыніцы 22 мая 2012. Праверана 8 ліпеня 2011.
  9. Corliss, Richard Toy Story, 1995 – The 25 All-TIME Best Animated Films. TIME (23 чэрвеня 2011). Архівавана з першакрыніцы 22 мая 2012. Праверана 8 ліпеня 2011.
  10. 10,0 10,1 Toy Story (1995). Box Office Mojo. Архівавана з першакрыніцы 22 мая 2012. Праверана 28 ліпеня 2010.
  11. Schlender, Brent. Steve Jobs' Amazing Movie Adventure Disney Is Betting On Computerdom's Ex-Boy Wonder To Deliver This Year's Animated Christmas Blockbuster. Can He Do For Hollywood What He Did For Silicon Valley? , CNN (1995-09-18).
  12. Уолтэр Айзексан, 2011, с. 168
  13. Variety: Digital Editions. Variety. Архівавана з першакрыніцы 22 мая 2012. Праверана 17 ліпеня 2010.
  14. Toy Story 2 Is Not Your Typical Hollywood Sequel. Animation World Network. Архівавана з першакрыніцы 22 мая 2012. Праверана 21 жніўня 2010.
  15. Toy Story 2 (1999). Box Office Mojo. Архівавана з першакрыніцы 22 мая 2012. Праверана 19 ліпеня 2010.
  16. Richards, Olly. Toy Story Movies Going 3D , 'Empire' (2008-01-24). Праверана 11 сакавіка 2009.
  17. Release dates for Toy Story 3. IMDb. Amazon.com. Архівавана з першакрыніцы 22 мая 2012. Праверана 3 снежня 2010.
  18. Toy Story 3 reaches $1 billion dollars globally. The Pixar Blog. Архівавана з першакрыніцы 22 мая 2012. Праверана 29 жніўня 2010.

Бібліяграфія[правіць | правіць зыходнік]

Спасылкі[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.