Оскар

Оскар
Тып	група ўзнагарод[d]
Заснавальнік	Акадэмія кінематаграфічных мастацтваў і навук[d]
Заснаванне	1929
Краіна	ЗША
Сайт	oscars.org/oscars (англ.)
Медыяфайлы на Вікісховішчы

Прэмія Акадэміі кінэматаграфічных мастацтваў і навук (англ. Academy Awards, паўафіцыйна з 1940-х вядомая як «Оскар», англ. Oscar) — галоўная штогадовая нацыянальная кінапрэмія ЗША, непасрэдна была задумана босам студыі Metro-Goldwyn-Mayer Луісам Б. Маерам. Цырымонія ўручэння «Оскараў» транслюецца ў дзясятках краін у жывым эфіры.

Намінацыі прэміі «Оскар»

Асноўныя намінацыі

У наш час прэмія «Оскар» уручаецца па 24 асноўным намінацыям:

Намінацыя	Англійская назва	З якога года існуе
Найлепшы фільм года	Best Picture	1929
Найлепшая мужчынская роля	Best Actor in a Leading Role	1929
Найлепшая жаночая роля	Best Actress in a Leading Role	1929
Найлепшая праца мастака-пастаноўшчыка	Best Art Direction	1929
Найлепшая аператарская праца	Best Cinematography	1929
Найлепшая рэжысура	Best Director	1929
Найлепшы сцэнарый-адаптацыя	Best Adapted Screenplay	1929
Найлепшы гук	Best Sound Mixing	1930
Найлепшы анімацыйны кароткаметражны фільм	Best Animated Short Film	1931
Найлепшая музыка	Best Original Score	1934
Найлепшая песня	Best Original Song	1934
Найлепшы мантаж	Best Film Editing	1935
Найлепшая мужчынская роля другога плану	Best Actor in a Supporting Role	1936
Найлепшая жаночая роля другога плану	Best Actress in a Supporting Role	1936
Найлепшыя візуальныя эфекты	Best Visual Effects	1939
Найлепшы арыгінальны сцэнарый	Best Original Screenplay	1940
Найлепшы фільм на замежнай мове	Best Foreign Language Film	1947
Найлепшы дызайн касцюмаў	Best Costume Design	1948
Найлепшы гукавы мантаж	Best Sound Editing	1963
Найлепшы грым	Best Makeup	1981
Найлепшы анімацыйны поўнаметражны фільм	Best Animated Feature	2001
Найлепшы дакументальны поўнаметражны фільм	Best Documentary Feature	2001
Найлепшы дакументальны кароткаметражны фільм	Best Documentary Short Subject	2001
Найлепшы мастацкі кароткаметражны фільм	Best Live Action Short Film	2001

Адмысловыя намінацыі

Апроч асноўных намінацый, «Оскары» ўручаюцца таксама і ў спецыяльных намінацыях. Іх уладальнікі вызначаюцца спецыяльна створаным камітэтам Акадэміі і ўручаюцца па-за асноўнай цырымоніяй. У наш час такіх намінацый 6:

• Мемарыяльная ўзнагарода імя Ірвінга Тальберга, якая ўручаецца за выдатны прадзюсарскі ўнёсак у развіццё кінавытворчасці.
• Гуманітарная ўзнагарода імя Джына Хершолта, што ўручаецца асобе, так ці інакш звязанай з кінематографам, за выдатныя гуманістычныя дасягненні.
• Ганаровы «Оскар», які ўручаецца за вялікі ўнёсак у развіццё кінамастацтва і за заслугі перад Акадэміяй.
• «Оскар» за навуковыя і тэхнічныя дасягненні і за мастацкія фільмы, што прысуджаецца фільмам, пастаўленым студэнтамі кінематаграфічных ВНУ ЗША.

Састарэлыя намінацыі

У першыя гады існавання Оскара рэжысёры намінаваліся ў дзвюх катэгорыях — найлепшы рэжысёр драмы і найлепшы рэжысёр камедыі. Аналагічна, на «лёгкую» і «сур'ёзную» падраздзялялася і праца кампазітараў. З 1930-х па 1960-я гады прэміі за найлепшы фільм, найлепшую працу мастака і дызайнера касцюмаў асобна ўручаліся за чорна-белае і каляровае кіно. Таксама ў розныя гады існавалі і намінацыі, якія цяпер адышлі ў нябыт:

• Найлепшы памочнік рэжысёра — з 1933 па 1937
• Найлепшая харэаграфія — з 1935 па 1937
• Найлепшыя тэхнічныя эфекты — у 1929
• Найлепшая музыка — адаптацыя ці аранжыроўка
• Найлепшы каляровы кароткаметражны фільм — з 1936 па 1937
• Найлепшы кароткаметражны фільм, зняты ўжывую на 2 бабіны — з 1936 па 1956
• Найлепшы наватарскі кароткаметражны фільм — з 1932 па 1935
• Найлепшая арыгінальная літаратурная першакрыніца — з 1929 па 1956
• Найлепшыя цітры — у 1929
• Найлепшая ўнікальная і мастацкая якасць выканання — у 1929
• Моладзевая ўзнагарода Акадэміі — з 1934 па 1960

Спасылкі

• Афіцыйны сайт Амерыканскай кінаакадэміі (англ.)
• Афіцыйны сайт апошняй цырымоніі «Оскар» (eng) (англ.)
• База даных па ўсіх намінантах і пераможцам (англ.)
• Як вырабляюць оскараўские статуэткі Архівавана 5 кастрычніка 2016. (руск.)
• Кінапрэмія «Оскар» на сайце «Internet Movie Database» (англ.)
• Oscar-Winning Performance Scene

  Оскар на Google Earth (1958—2008) Google Maps  KMZ (файл метак KMZ для Google Earth)