Галіна Якаўлеўна Перліна
Галіна Якаўлеўна Перліна | |
---|---|
Дата нараджэння | 23 лістапада 1955 (68 гадоў) |
Месца нараджэння | |
Альма-матар |
|
Месца працы | |
Член у | |
Узнагароды |
Галіна Якаўлеўна Пе́рліна (нар. 23 лістапада 1955, г. Мінск) — беларускі архітэктар.
Біяграфія[правіць | правіць зыходнік]
Скончыла ў 1977 годзе Беларускі політэхнічны інстытут па спецыяльнасці архітэктура. У 1977—1980 гадах архітэктар у ААТ «Мінскграмадзянпраект», у 1980—1986 гадах старшы архітэктар у Інстытуце «Дзіпраград» у Кіеве. У 1986—2002 гадах старшы архітэктар, загадчыца групы архітэктараў у ААТ «Мінскграмадзянпраект», з 2002 года галоўны архітэктар праектаў УП «Мінскпраект».
Член Беларускага саюза архітэктараў з 2008 года.
Творчасць[правіць | правіць зыходнік]
Асноўныя аб’екты ў Мінску: студэнцкі жылы комплекс па пр. Дзяржынскага, парк Пісьменнікаў у раёне Нацыянальнай бібліятэкі, жылы квартал «Магістр», забудова праспекта Дзяржынскага (ад канцэпцыі забудовы ўсяго праспекта да рэалізацыі асобных мікрараёнаў), мікрараёны Міхалова-1, 2, Лошыца-5, 6, 7, 9, 10.
Праект забудовы Верхняга горада ў гістарычным цэнтры Мінска; праект рэгенерацыі Ракаўскага прадмесця і тэрыторыі былога хлебазавода № 1, квартала № 2 горада-спадарожніка Смалявічы.
Узнагароды[правіць | правіць зыходнік]
Лаўрэат прэміі Мінбудархітэктуры імя У. А. Караля (1997) за праект «Тэлепорт Рэспублікі Беларусь»; сярэбраны медаль і дыплом лаўрэата Сусветнага трыенале архітэктуры ў г. Сафіі (2006) за праект «Жылы комплекс у Вяснянцы»; медаль і дыплом 1 ступені на XV рэспубліканскім конкурсе лепшых архітэктурных твораў у намінацыі «Горадабудаўніцтва» за праект «Міжнародны раён „Глобус“» (2011); медаль і дыплом 1 ступені на XVI рэспубліканскім конкурсе лепшых архітэктурных твораў у намінацыі «Горадабудаўніцтва» за праект «Жылы раён „Зялёны бор“» (2013); медаль і дыплом 1 ступені за пабудову «Архітэктурнае і мастацка-дэкаратыўнае рашэнне транспартнай развязкі на скрыжаванні пр. Дзяржынскага — вул. Алібегава»; 2-е месца і дыплом у міжнародным закрытым архітэктурна-горадабудаўнічым конкурсе на распрацоўку канцэпцый новых жылых раёнаў у Санкт-Пецярбургу і Мінску «Сіметрычныя кварталы» за праект «Беларускі квартал у Санкт-Пецярбургу» (2017); Гран-пры, медаль і дыплом I ступені Лаўрэата XIX Рэспубліканскага конкурсу за рэалізацыю «Студэнцкага жылога комплекса ў г. Мінску» (2019), медаль і дыплом I ступені Лаўрэата XIX Рэспубліканскага конкурсу 2018—2019 гг. у раздзеле «Праект» у намінацыі «Рэканструкцыя будынкаў і збудаванняў» за праект «Рэгенерацыя забудовы гістарычнага цэнтра г. Мінска. Ракаўскае прадмесце. Тэрыторыя былога хлебазавода № 1».
Спасылкі[правіць | правіць зыходнік]
- Перлина Галина Яковлевна // МИНСК ПРОЕКТ СТАБИЛЬНОСТЬ ТРАДИЦИИ 75 КАЧЕСТВО. Минск. 2020
- Нарадзіліся 23 лістапада
- Нарадзіліся ў 1955 годзе
- Нарадзіліся ў Мінску
- Выпускнікі архітэктурнага факультэта БНТУ
- Супрацоўнікі Мінскграмадзянпраекта
- Супрацоўнікі Мінскпраекта
- Члены Беларускага саюза архітэктараў
- Лаўрэаты прэміі Міністэрства архітэктуры і будаўніцтва Рэспублікі Беларусь імя У. А. Караля
- Асобы
- Архітэктары паводле алфавіта
- Архітэктары Беларусі
- Архітэктары XX стагоддзя
- Архітэктары XXI стагоддзя
- Архітэктары Мінска