Дарка Бодул

Дарка Бодул
Агульная інфармацыя
Нарадзіўся	11 студзеня 1989(1989-01-11) (32 гады) Сараева, Сацыялістычная Рэспубліка Боснія і Герцагавіна, СФРЮ
Грамадзянства	Харватыя Аўстрыя
Рост	186 см
Пазіцыя	нападнік
Інфармацыя пра клуб
Клуб	Анкараспор
Нумар	89
Маладзёжныя клубы
Фартуна (Вена) 0000 — 2004 Фёрст (Вена) 2004—2008 Херэнвен 2008—2009 Аякс (Амстэрдам)
Клубная кар’ера
2009—2011 Аякс (Амстэрдам) 1 (0) 2009—2010 →  Спарта (Ротэрдам) 24 (1) 2011 Насьянал (Фуншал) 4 (0) 2011—2013 Штурм (Грац) 39 (11) 2013—2015 Одэнсэ 49 (8) 2015 Альтах 12 (1) 2015—2016 Данды Юнайтэд 11 (0) 2016—2018 Амкар (Перм) 49 (6) 2018 Енісей (Краснаярск) 10 (0) 2019—2020 Шахцёр (Салігорск) 42 (11) 2021— Анкараспор 3 (0)
Нацыянальная зборная
2007 Харватыя (да 19) 8 (2) 2009 Харватыя (да 21) 1 (0)
Дарка Бодул на Вікісховішчы

Дарка Бодул (харв.: Darko Bodul; нар. 11 студзеня 1989, Сараева, Югаславія) — харвацкі футбаліст, нападнік турэцкага клуба «Анкараспор».

Клубная кар’ера

Нарадзіўся ў Сараеве, аднак у малым узросце пераехаў з сям’ёй у Вену, дзе і пачаў займацца футболам у клубе «Фартуна», а пазней перабраўся ў «Фёрст». Ужо ў маладым узросце прыцягнуў увагу еўрапейскіх клубаў, і ва ўзросце 16 гадоў перайшоў у нідэрландскі «Херэнвен». Гуляў за юнацкую каманду «Херэнвена» і стаў адным з яе лідараў, а ў ліпені 2008 года ў якасці свабоднага агента далучыўся да амстэрдамскага «Аякса». 8 лютага 2009 года дэбютаваў у Эрэдывізі, выйшаўшы на замену ў другім тайме ў матчы супраць «Вітэса» (1:4).

У жніўні 2009 года быў арандаваны ротэрдамскай «Спартай» на сезон 2009/10. Па заканчэнні сезона вярнуўся ў «Аякс», але не здолеў атрымаць месца ў складзе і ў студзені 2011 года перайшоў у партугальскі клуб «Насьянал», аднак пался змены трэнера страціў месца ў складзе. У ліпені 2011 года, пакінуўшы «Насьянал» у якасці свабоднага агента, падпісаў аднагадовы кантракт з аўстрыйскім «Штурмам» з магчымасцю падаўжэння яшчэ на год. У першым сезоне забіў 11 галоў, аднак у наступным сезоне выніковасць зменшылася, і нападнік быў адпраўлены ў рэзервовую каманду.

У студзені 2013 года падпісаў двухгадовы кантракт з дацкім клубам «Одэнсэ». Да канца сезона 2012/13 паспеў забіць чатыры галы і дапамог камандзе захаваць месца ў Суперлізе. У далейшым стаў радзей з’яўляцца на полі, нярэдка заставаўся на лаўцы запасных. У студзені 2015 года па пагадненні бакоў пакінуў «Одэнсэ» і вярнуўся ў Аўстрыю, стаўшы іграком «Альтаха», дзе гуляў да канца сезона 2014/15. У ліпені 2015 года падпісаў двухгадовы кантракт з шатладнскім «Данды Юнайтэд», аднак не здолеў замацавацца ў складзе і ў студзені 2016 года быў выстаўлены на трансфер, а ў маі таго ж года разарваў кантракт з клубам.

У ліпені 2016 года стаў іграком расійскага клуба «Амкар», падпісаўшы двухгадовы кантракт. У ліпені 2018 года, пасля таго як «Амкар» быў расфарміраваны, папоўніў склад дэбютанта расійскай Прэм’ер-лігі краснаярскага «Енісея».

У лютым 2019 года падпісаў двухгадовы кантракт з беларускім клубам «Шахцёр» з Салігорска. Спачатку выхадзіў у стартавым складзе, пасля стаў часцей з’яўляцца на замену. У снежні 2020 года па заканчэнні кантракта пакінуў беларускі клуб.

У лютым 2021 года стаў іграком турэцкага «Анкараспора».

Міжнародная кар’ера

Выступаў за юніёрскую зборную Харватыі. 11 лютага 2009 года згуляў у сваім адзіным матчы за моладзевую зборную супраць Македоніі.

Дасягненні

• 03 Бронзавы прызёр чэмпіянату Нідэрландаў: 2008/09
• 03 Бронзавы прызёр чэмпіянату Аўстрыі: 2014/15
• 01 Чэмпіён Беларусі: 2020
• 03 Бронзавы прызёр чэмпіянату Беларусі: 2019
• Уладальнік Кубка Беларусі: 2019