Дзённік Гуантанама
| Дзённік Гуантанама | |
|---|---|
| Аўтар | Махамед Ульд Слахі |
| Жанр | мемуары |
| Мова арыгінала | англійская |
| Выпуск | 2015 |
Дзённік Гуантанама (англ.: Guantánamo Diary) — мемуары, напісаныя Махамедам Ульд Слахі, якога ўлады ЗША ўтрымлівалі без прад’яўлення абвінавачванняў на працягу чатырнаццаці гадоў[1]. Публікацыя стала самым падрабязным сведчаннем ад зняволенага турмы Гуантанама[2].
Гісторыя
[правіць | правіць зыходнік]Ульд Слахі быў схоплены амерыканскімі спецслужбамі ў роднай Маўрытаніі неўзабаве пасля тэрактаў 11 верасня. Ён сцвярджаў, што перад адпраўкай у турму Гуантанама яго дапытвалі ў Іарданіі і Афганістане. Па словах адваката Нэнсі Халандэр, міністр абароны ЗША Дональд Рамсфельд загадаў прымяніць у дачыненні да Махамеда «спецыяльныя метады допыту», якія мелі на ўвазе катаванні[2].
У зняволенні аўтар вывучыў ангійскую мову і напісаў усе 466 старонак свайго дзённіка ад рукі[2]. Адвакаты перадалі рукапіс журналісту Лары Сімсу, які рэдагаваў кнігу. Кожная старонка павінна была быць прадстаўлена ваенным цэнзарам. На працягу некалькіх гадоў кніга знаходзілася пад забаронай да публікацыі з боку амерыканскіх афіцыйных асоб. Мемуары былі апублікаваны ў 2015 годзе, калі Слахі ўсё яшчэ ўтрымліваўся пад вартай[1][2].
Ва ўвядзенні мемуараў падкрэсліваецца, што гэта не аўтарызаваная версія[1].
Экранізацыя
[правіць | правіць зыходнік]Мемуары сталі асновай для фільма. Праект быў анансаваны ў лістападзе 2019 года. Здымкі пачаліся 2 снежня таго ж года ў Паўднёвай Афрыцы. Першапачаткова карціна павінна была называцца «Вязень 760»[3], але ў лістападзе 2020 года атрымала канчатковую назву «Маўрытанец».
Прэм’ера фільма адбылася 12 лютага 2021 года.
Зноскі
[правіць | правіць зыходнік]- ↑ а б в Общественное пытание (13 лютага 2015). Архівавана з першакрыніцы 18 красавіка 2021. Праверана 7 сакавіка 2021.
- ↑ а б в г «Дневник узника Гуантанамо»: заключённый самой страшной тюрьмы США написал книгу (21 студзеня 2015). Архівавана з першакрыніцы 18 красавіка 2021. Праверана 7 сакавіка 2021.
- ↑ Jodie Foster, Tahar Rahim & Shailene Woodley Board ‘Prisoner 760’, STX Launching At AFM. Архівавана з першакрыніцы 2 лістапада 2019. Праверана 7 сакавіка 2021.