Жак Андрэ

З Вікіпедыі, свабоднай энцыклапедыі
Жак Андрэ
фр.: Jacques Andre
Дата нараджэння 25 лютага 1919(1919-02-25)
Месца нараджэння
Дата смерці 2 красавіка 1988(1988-04-02) (69 гадоў)
Месца смерці
Грамадзянства
Прыналежнасць ВПС Францыі, ВПС СССР
Род войскаў авіяцыя
Гады службы 19391968
Званне палкоўнік
Часць Нармандыя-Нёман
Бітвы/войны
Узнагароды і званні
Герой Савецкага Саюза медаль «Залатая Зорка»
ордэн Леніна ордэн Чырвонага Сцяга ордэн Айчыннай вайны ордэн Айчыннай вайны I ступені медаль «За перамогу над Германіяй у Вялікай Айчыннай вайне 1941—1945 гг.» Воінскі медаль ваенны крыж 1939—1945 гадоў Ваенны крыж кавалер ордэна Ганаровага Легіёна

Жак Андрэ (фр.: Jacques Andre; 25 лютага 1919, Парыж — 2 красавіка 1988) — французскі лётчык, Герой Савецкага Саюза, Заслужаны лётчык Францыі[2].

Нарадзіўся ў Парыжы ў сям'і вядомага французскага аса Першай сусветнай вайны. Лётную адукацыю атрымаў у горадзе Бурж. Ва ўзброеных сілах Францыі з 15 красавіка 1939 года. У пачатку чэрвеня 1940 года, калі італьянскія войскі акупавалі поўдзень Францыі, разам з іншымі лётчыкамі эвакуіраваўся ў Паўночную Афрыку. Працягнуў службу на тэрыторыі Сірыі, Алжыра.

У канцы снежня 1943 года прыбыў у СССР, дзе ў горадзе Туле папаўняўся асабісты склад парадзелага ў баях французскага авіяпалка «Нармандыя».

Усяго на савецка-германскім фронце ім здзейснена 113 баявых вылетаў, збіта 15 фашысцкіх самалётаў, 2 — у складзе групы, 3 самалёты пашкодзіў[2]. Па колькасці індывідуальных перамог Ж. Андрэ стаў самым выніковым лётчыкам-знішчальнікам палка «Нармандыя-Нёман». Ён удзельнічаў у Віцебска-Аршанскай, Усходне-Прускай  (руск.), Кёнігсберскай  (руск.) аперацыях[2].

Указам Прэзідыума Вярхоўнага Савета СССР ад 4 чэрвеня 1945 года за мужнасць, гераізм і вайсковую доблесць, праяўленыя ў баях з нямецка-фашысцкімі акупантамі, грамадзяніну Французскай рэспублікі малодшаму лейтэнанту Андрэ Жаку прысвоена званне Героя Савецкага Саюза з уручэннем ордэна Леніна і медалі «Залатая Зорка» (№ 6656).

Пасля заканчэння вайны працягнуў службу ў ВПС Францыі, даслужыўся да звання палкоўніка. Сыдучы ў адстаўку, заняўся садаводчым бізнесам.

Памёр ва ўзросце 69 гадоў.

Узнагароды[правіць | правіць зыходнік]

Зноскі

  1. а б Fichier des personnes décédées Праверана 28 верасня 2021.
  2. а б в Андре Жак // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 19. — 737 с..

Спасылкі[правіць | правіць зыходнік]