Жырандоля (альманах)
| «Жырандоля» | |
|---|---|
| Тып | альманах |
| Заснавальнік | Брэсцкае абласное аддзяленне СБП |
| Выдавец | Брэсцкае абласное аддзяленне СБП |
| Краіна | Беларусь |
| Рэдактар | Лявон Валасюк |
| Заснавана | 2008 |
| Тэматыка | літаратурны альманах Брэсцкага абласнога аддзялення СБП |
| Мова | беларуская |
| Перыядычнасць | раз на год |
| Галоўны офіс | Брэст |
«Жырандо́ля» — літаратурны альманах Брэсцкага абласнога аддзялення Саюза беларускіх пісьменнікаў. Выдаецца з 2008 года. Рэдактар выдання — пісьменнік Лявон Валасюк.
Арганізатарам, укладальнікам і рэдактарам альманаху была Ніна Мацяш. Дзякуючы яе арганізатарскім здольнасцям такое выданне стала магчымым. Пасля смерці пісьменніцы давяршаць яе работу над другім нумарам пачаў Алесь Паплаўскі.
Да 2020 года выйшла 10 нумароў альманаху. У альманаху друкуюцца як літаратары Берасцейшчыны, так і пераклады, і пісьменнікі блізкага замежжа.
Цікавыя факты[правіць | правіць зыходнік]
«Жырандоля» — першы з пяці літаратурных штогадовікаў, створаных сябрамі ГА «Саюз беларускіх пісьменнікаў», каб ажывіць літаратурнае жыццё ў рэгіёнах Беларусі. Цяпер у Магілёве выходзіць альманах «Брама», у Віцебску ― «Ратуша», у Гродна ― «Новы замак», у Гомелі ― «Палац»[1].
Зноскі
- ↑ «Жырандоля» — першы з пяці абласных альманахаў, Будзьма беларусамі, 24-03-2015
Спасылкі[правіць | правіць зыходнік]
- Электронныя нумары на kamunikat.org