Залатавочкі

Залатавочкі
Chrysopa perla
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Neoptera Атрад:  Сеткакрылыя Падатрад:  Hemerobiiformia Надсямейства:  Chrysopoidea Сямейства:  Залатавочкі
Міжнародная навуковая назва
Chrysopidae Schneider, 1851
Сістэматыка на Віківідах Выявы на Вікісховішчы ITIS   115081 NCBI   7520 EOL   941 FW   133993

Залатавочкі (Chrysopidae) — сямейства насякомых атрада сеткакрылых.

Даўжыня 1—1,5 см. Цела светла-зялёнае. Крылы празрыстыя, светлыя, вясёлкава- або перламутрава-пералівістыя (размах 19—50 мм), з густой сеткай жылак. Вусікі ніткападобныя. Вочы выпуклыя, залацістыя (адсюль назва).

Адрозніваецца каля 800 відаў. Пашыраны ўсюды, акрамя Антарктыды і Новай Зеландыі. Трапляюцца часцей на лісці дрэў і кустоў. На Беларусі найчасцей трапляюцца залатавочка звычайная і залатавочка жамчужная.

Лічынкі і дарослыя — драпежнікі, кормяцца тлямі, шчытоўкамі, вусенямі, кляшчамі, некаторыя — нектарам. Актыўныя ўначы.

Адкладваюць яйцы на лісце раслін. Лічынкі падоўжаныя, верацёнападобныя, зверху па баках пучкі валаскоў.

Літаратура

• Залатавочкі // БЭ ў 18 т. Т. 6. Мн., 1998.