Звонкая раніца

З пляцоўкі Вікіпедыя
Jump to navigation Jump to search

«Звонкая раніца» — конкурс па падтрымцы юных вакалістаў, які стартаваў у 2011 годзе[1] ў якасці рэкламнай кампаніі ў падтрымку дзіцячай беларускамоўнай газеты «Раніца». З другога сезона конкурс існуе як самастойны праект без прывязкі да газеты «Раніца». Пастаяннымі арганізатарамі конкурсу з'яўляюцца ўстанова "Рэдакцыя газеты «Настаўніцкая газета» и Нацыянальны дзіцячы адукацыйна-аздараўленчы цэнтр «Зубраня» (Мядзельскі раён Мінскай вобласці). У розныя гады сярод арганізатараў былі турыстычныя кампаніі «Матэп-90», «Юмай-тур», а таксама сотавы аператар «Белсел».

Адбылося 5 сезонаў праекта (2011, 2011—2012, 2012—2013, 2013—2014, 2014—2015).

Парадак адбору ўдзельнікаў[правіць | правіць зыходнік]

Кастынгі конкурсу праходзяць у раённых цэнтрах Рэспублікі Беларусь (за час існавання кастынгі прайшлі ў 73 гарадах). У кастынгах прымаюць удзел навучэнцы агульнаадукацыйных навучальных устаноў Беларусі 7—11 класаў ва ўзросце 12—17 гадоў. Па выніках кастынгаў (як правіла, 300—400 чалавек у адным сезоне) журы адбірае фіналістаў (у розныя гады колькасць вагаецца ад 42 да 75 чалавек), якія ўдзельнічаюць у фінале конкурсу ў НДЦ «Зубраня».

Фінал конкурсу[правіць | правіць зыходнік]

Фінал конкурсу праходзіць у навучальным фармаце на працягу 21 дзён. Фіналісты наведваюць заняткі па вакале, харэаграфіі, сцэнічным руху, гісторыі эстраднай музыкі, сцэнічным макіяжы, зносінам з прэсай, а таксама ўдзельнічаюць у справаздачных канцэртах, рыхтуючы новы музычны матэрыял пад кіраўніцтвам педагогаў.

Пераможцы конкурсу[правіць | правіць зыходнік]

Пры вызначэнні пераможцаў конкурсу арганізатары першапачаткова адмовіліся ад жорсткага ранжыравання пераможцаў (у конкурсе няма 1, 2 і 3 месцаў, як гэта прынята традыцыйна) — пераможцамі конкурсу лічацца 10 фіналістаў, якія набралі найбольшую колькасць балаў. Сума балаў складаецца з сумы балаў прафесійнага журы, балаў галасавання гледачоў у зале, балаў галасавання ўдзельнікаў праекта, балаў СМС-галасавання (з трэцяга сезона конкурсу), балаў прадзюсара конкурсу і балаў спецыяльных гасцей.

Гран-пры конкурсу[правіць | правіць зыходнік]

Згодна з умовамі конкурсу, з дзясяткі пераможцаў можа быць абраны уладальнік гран-пры конкурсу. Уладальнікамі гран-пры ў розныя гады былі:

  • 2011 - Лаліта Карповіч (г. Ваўкавыск Гродзенскай вобласці)
  • 2012 - Злаціслава Нячуйвіцер (пас. Дружны Пухавіцкага раёна Мінскай вобласці)
  • 2013 - Вольга Шамархан (в. Цяпіна Чашніцкага раёна Віцебскай вобласці)
  • 2014 - Яна Семіжон (г.п. Халопенічы Крупскага раёна Мінскай вобласці)
  • 2015 - Вераніка Самускевіч (г. Баранавічы Брэсцкай вобласці)

Зорныя госці[правіць | правіць зыходнік]

Штогод конкурс наведваюць зорныя госці. Так, у розныя гады гасцямі фіналу конкурсу былі Заслужаная артыстка Рэспублікі Беларусь Іна Афанасьева, Пётр Ялфімаў, Алекс Дэвід (гурт «Атлантыка»), Дзядзя Ваня, Віталь Маціеўскі (гурт «Open Space»), актрыса Ірына Нарбекава.

Спасылкі[правіць | правіць зыходнік]

Публікацыі пра конкурс[правіць | правіць зыходнік]

Зноскі

  1. Конкурс юных вакалістаў “Звонкая раніца-2011” (бел.), Газета «Переходный возраст» . Праверана 23 ліпеня 2015.