Мядзельскі раён

З пляцоўкі Вікіпедыя
Перайсці да: рух, знайсці
Мядзельскі раён
Герб
Coat of Arms of Miadzieł, Belarus.png
Сцяг
Flag of Miadzieł and Miadzieł district, Belarus.png
Краіна

Беларусь

Уваходзіць у

Мінская вобласць

Адміністрацыйны цэнтр

Мядзел

Афіцыйныя мовы

Родная мова: беларуская 89,19 %, руская 9,78 %
Размаўляюць дома: беларуская 75,68 %, руская 22,58 %[1]

Насельніцтва (2009)

29 599 чал,[1] (18-е месца)

Шчыльнасць

15,04 чал./км² (20-е месца)

Нацыянальны склад

беларусы — 93,71 %,
рускія — 4,02 %,
палякі — 1,09 %,
іншыя — 1,18 %[1]

Плошча

1 964.30[2] км²
(7-е месца)

Вышыня
над узроўнем мора
 • Найвышэйшы пункт



 233,9 м

Мядзельскі раён на карце

Часавы пояс

UTC+2

Commons-logo.svg Мядзельскі раён на Вікісховішчы
Каардынаты: 54°52′32″ пн. ш. 26°56′19″ у. д. / 54.875556° пн. ш. 26.938611° у. д. (G) (O) (Я)

Мядзельскі раён — адміністрацыйная адзінка ў складзе Мінскай вобласці. Размешчаны на паўночным захадзе Мінскай вобласці. Мяжуе з Пастаўскім і Докшыцкім раёнамі Віцебскай вобласці, Астравецкім і Смаргонскім раёнамі Гродзенскай вобласці, Вілейскім раёнам Мінскай вобласці. Адміністрацыйны цэнтр — горад Мядзел.

Геаграфія[правіць | правіць зыходнік]

Плошча −196,7 тыс. га., з іх 53,8 % (105,7 тыс. га.) належыць да нацыянальнага парку «Нарачанскі». 8,4 % (16,6 тыс.га.) тэрыторыі раёна займаюць азёры (у раёне 52 азёры), 41,6 % (82,0 тыс.га.) — лясы.

Працягласць з захаду на ўсход — 75 км, з поўначы на поўдзень — 43 км. Паверхня раўнінна-ўзнёслая з агульным ухілам з поўначы-усходу на паўднёва-захад. Раён размешчаны ў межах Нарачана-Вілейскай нізіны, паўночная частка раёна размешчана на Свянцянскай градзе.

Асаблівасць раёна — курортная зона вакол возера Нарач. Плошча курортнай зоны 58,5 тыс. га, што складае 29 % ад тэрыторыі раёна.

У раёне ёсць шмат азёр і рэк. Асноўныя рэкі — Страча, Вялікі Перакоп, Нарач, Вузлянка (басейн Віліі), Мядзелка (басейн Дзясны).

Азёры займаюць 7,48 % тэрыторыі раёна. Найбольш буйныя з іх — Нарач, Мястра, Баторына, Свір і Белае — ўтвараюць Нарачанскі азёрную групу. На тэрыторыі знаходзяцца і іншыя групы азёр — Мядзельская і Балдуцкая.

Каля 30 % тэрыторыі раёна прыпадае на лес. Найбольш значныя лясныя масівы размешчаны на паўднёвым захадзе і паўночным захадзе.

Краявід над Нарачанскімі азёрамі

Гісторыя[правіць | правіць зыходнік]

Раён утвораны 15 студзеня 1940 года. З 1960 — у складзе Мінскай вобласці.

У 2013 годзе скасаваныя 2 сельсаветы і пасялковы савет у Свіры [3] . Гэтым рашэннем былі скасаваныя Сырмежскі і Старагабскі сельсаветы. [3]

Насельніцтва[правіць | правіць зыходнік]

Насельніцтва Мядзельскага раёна складае 37,2 тыс. чалавек, у тым ліку сельская насельніцтва — 22,8 тыс.

Склад[правіць | правіць зыходнік]

Населеныя пункты[правіць | правіць зыходнік]

Эканоміка[правіць | правіць зыходнік]

На тэрыторыі раёна эксплуатуюцца радовішчы торфу, пясчана-жвіравага матэрыялу, будаўнічых пяскоў, гліны і суглінкаў, а таксама сапрапелю.

Транспартная сістэма ўключае чыгуначную лінію Маладзечна — Полацк, аўтамабільныя дарогі Вільня — Полацк, Нарач — Мінск.

У раёне дзейнічае 8 прамысловых прадпрыемстваў: Нарачанскі масласырзавод, Илаўскі пладовакансервавы завод, даследчы рыбгас «Нарач», Нарачанскі завод напояў, Мядзельскі кааппрам, Мядзельскі аўтатэхсервіс, прадпрыемства «Гарант», Мядзельскае Аграпрамэнерга.

Мядзельскі раён спецыялізуецца на вытворчасці мяса, малака, збожжа, ільну, бульбы. Доля раслінаводства ў валавой прадукцыі сельскай гаспадаркі складае 44 %, доля жывёлагадоўлі — 56 %.

Турызм і адпачынак[правіць | правіць зыходнік]

НДААЦ «Зубраня» — Нацыянальны дзіцячы адукацыйна-аздараўленчы цэнтр «Зубраня» Міністэрства адукацыі Рэспублікі Беларусь, папулярны ў СССР піянерскі лагер рэспубліканскага значэння.

Культурныя ініцыятывы[правіць | правіць зыходнік]

Ад 2005 года ў вёсцы Камарова праводзіцца фестываль народных промыслаў і рамёстваў «Камарова – Кола дзён». У чэрвені 2015 года ён прайшоў дзесяты раз[4]

Гл. таксама[правіць | правіць зыходнік]

У Сеціве[правіць | правіць зыходнік]

Спасылкі[правіць | правіць зыходнік]

Зноскі