Зопнік

Зопнік
Phlomis russeliana
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Ясноткавыя Род:  Зопнік
Міжнародная навуковая назва
Phlomis L., Sp. Pl. 2: 584 (1753)
Сінонімы
Phlomoides Moench
Сістэматыка на Віківідах Выявы на Вікісховішчы ITIS   32635 NCBI   316257 EOL   70852 GRIN   g:9261 IPNI   21116-1

Зо́пнік (Phlomis) — род кветкавых раслін сямейства Ясноткавыя (Lamiaceae). 91 від.

Біялагічнае апісанне

Шматгадовыя травяністыя расліны або паўкусты і кусты з простым ці галінастым сцяблом. Лісце найчасцей яйцападобнае ці трохвугольнае. Кветкі двухполыя, няправільныя, двухгубыя, у шматкветкавых несапраўдных кальчаках, сабраных у коласападобнае суквецце; ружовыя, ліловыя, часам жоўтыя. Чашачка 5-зубчастая, трубчастая ці званочкавая. Плод — 4-гранны шматарэшак.

Красаванне ў сярэдзіне лета.

Пашырэнне

Пашыраны пераважна ва ўмераных абласцях Еўразіі. На тэрыторыі Беларусі вырошчваюць зопнік клубняносны (Phlomis tuberosa).

Выкарыстанне

Лекавыя, кармавыя, меданосныя і дэкаратыўныя расліны. Клубнепадобныя патаўшчэнні на каранях зопніка клубняноснага ядомыя.

Літаратура

• Зопнік // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
• Пашына Г. В. Зопнік клубняносны // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 379.

Спасылкі

• Зопник: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Phlomis (англ.) // The Plant List
• Phlomis // ИАС «ООПТ России» (руск.)