Пладовае цела вышынёй 2—3 см, каралападобна разгалінаванае або простае, з завостранымі верхавінкамі, ярка-жоўтае, часам аранжавае, слізістае. Мякаць шчыльнастудзяністая, пругкахрасткаватая або рогападобная. Базідыі вілаватыя з падоўжанымі стэрыгмамі. Споры акругла-цыліндрычныя, сагнутыя, гладкія, амаль бясколерныя, потым з папярочнай перагародкай.
Адзнаана 15 відаў[1][2]. Пашыраны ў Еўропе, Паўночнай Амерыцы, Азіі. На Беларусі найчасцей у лясах на рэштках драўніны, пераважна хвойных парод дрэў, расце калоцэра слізістая (Calocera viscosa), пладаносіць у чэрвені-кастрычніку.
