Каралеўская капэла ў Дро
| Славутасць | |
| Каралеўская капэла ў Дро | |
|---|---|
 | |
| 48°44′18″ пн. ш. 1°21′48″ у. д.HGЯO | |
| Краіна | |
| Месцазнаходжанне | |
| Канфесія | каталіцтва |
| Епархія | Шартрская дыяцэзія[d] |
| Благачынне | Q63965485?[2] |
| Архітэктурны стыль | неаготыка |
| Архітэктар | Claude-Philippe Cramail[d] і Pierre-Bernard Lefranc[d][1] |
| Дата заснавання | 1816 |
| Сайт | chapelle-royale-dreux.com/… (фр.) (англ.) |
 |
|
 Медыяфайлы на Вікісховішчы | |
Каралеўская капэла Дро (фр.: Chapelle royale de Dreux) — капэла-пахавальня Арлеанскага каралеўскага дому, размешчаная ў Дро, Францыя. Дом Арлеанаў (фр.: Maison d'Orléans) быў заснаваны Філіпам Французскім, герцагам Арлеанскім — малодшым братам караля Францыі Людовіка XIV. Дом заняў значнае становішча ў перыяд Французскай рэвалюцыі і яшчэ раз у перыяд кіравання Луі-Філіпа Французскага.
Гісторыя
[правіць | правіць зыходнік]Дом Бурбон-Пенцьеўр быў адным з самых вялікіх сямействаў, якія валодалі землямі ў Францыі, перад Французскай рэвалюцыяй. У 1775 годзе землі графства дэ Дро былі падараваны герцагу дэ Пенцьеўру яго кузенам Людовікам XVI.
У 1783 годзе герцаг прадаў свой дамен Рамбуе Людовіку XVI. 25 лістапада таго ж года, у доўгай рэлігійнай працэсіі, Пенцьеўр перанёс гэтыя дзевяць трун, якія змяшчалі рэшткі яго бацькоў: графа і графіні Тулузскіх; яго жонкі: прынцэсы Марыі Тэрэзы Модэнскай, і шасці з сямі іх дзяцей, з маленькай сярэдневяковай вясковай царквы каля замка ў Рамбуе, у калегіяльную капэлу Сан-Эцьен дэ Дро.[3]
Герцаг дэ Пенцьеўр памёр у сакавіку 1793 года, і яго цела было пахавана ў склепе каля яго бацькоў. 21 лістапада гэтага ж года, падчас Французскай рэвалюцыі, натоўп апаганіў склеп і выкінуў гэтыя дзесяць целаў у агульную магілу на могілках Шананес калегіяльнай капэлы Сан-Эцьен.
У 1816 годзе дачка герцага Пенцьеўра — герцагіня Арлеанская, пабудавала новую капэлу, заснаваную на ўчастку агульнай магілы могілак Шананес, як апошняе месца спачыну яе сям'і. У 1830 годзе Луі-Філіп I — кароль французаў, сын герцагіні Арлеанскай, упрыгожыў і павялічыў капэлу, якая была пераназвана Каралеўскую капэлу дэ Дро, цяпер пахавальню Арлеанскага каралеўскага сямейства.
Пахаваныя ў капэле
[правіць | правіць зыходнік]Сярод сямідзесяці пяці членаў Арлеанскай дынастыі, пахаваных у нова капліцы з'яўляюцца:
- Луі-Аляксандр дэ Бурбон, граф Тулузскі (1678-1737);
- Марыя-Вікторыя дэ Наай, графіня Тулузская (1688-1766) — жонка папярэдняга;
- Луі-Жан-Мары дэ Бурбон, герцаг Панцьеўр (1725-1793);
- Прынцэса Модэнская Марыя Тэрэза Феліцыта д’Эстэ (1726-1754) — жонка папярэдняга;
- Луі-Мары дэ Бурбон, герцаг Рамбуе (1746-1749);
- Луі-Аляксандр дэ Бурбон, прынц Ламбаль (1747-1768).[4]
Зноскі
- ↑ а б base Mérimée — ministère de la Culture, 1978.
- ↑ https://messes.info/lieu/28/dreux/chapelle-royale
- ↑ G. Lenotre, Le Château de Rambouillet, six siècles d’histoire, Calmann-Lévy, Paris, 1930, reprint: Denoël, Paris, 1984, (215 pages), chapter 5: Le prince des pauvres, pp. 78-79
- ↑ Непахаванай у капэле з'яўляецца прынцэса Марыя-Тэрэза-Луіза Савойская, прынцэса дэ Ламбаль, ятроўка герцага Панцьеўра, ахвяра вераснёвых забойстваў, падчас Французскай рэвалюцыі, забіта ў турме Ла-Форс у Парыжы, 3 верасня 1792 года. Пахавана на могілках Enfants-Trouvés, яе цела, пазней, не было ідэнтыфікавана: Michel de Decker, La Princesse de Lamballe, Librairie Académique Perrin, Collection historique dirigée par André Castelot, Paris, 1979, chapter XII: Ils sont blanchis par le malheur, p. 265.
Спасылкі
[правіць | правіць зыходнік]
На Вікісховішчы ёсць медыяфайлы па тэме Каралеўская капэла ў Дро
